ആ​ഗോള ടൂറിസം ഹബ്ബാകാൻ ഭാരതം; വിഷ്ണുപഥ്, മഹാബോധി ക്ഷേത്രങ്ങളിൽ കാശി വിശ്വനാഥ ക്ഷേത്ര ഇടനാഴി മാതൃകയിൽ‌ പദ്ധതി; നളന്ദയുടെ വികസനത്തിന് മുൻ​ഗണന  

ഇന്ത്യയെ ആ​ഗോള ടൂറിസം ഹബ്ബാക്കി മാറ്റുമെന്ന് ബജറ്റ് അവതരണത്തിൽ ധനമന്ത്രി നിർമലാ സീതാരാമൻ. വിനോദസഞ്ചാര മേഖലയ്‌ക്ക് കൈനിറയെ പദ്ധതികളാണ് പ്രഖ്യാപിച്ചിട്ടുള്ളത്.

ടൂറിസം ഭാരതത്തിന്റെ സംസ്കാരത്തിന്റെ ഭാ​ഗമാണെന്ന് നിർമലാ സീതാരാമൻ പറഞ്ഞു. ഇന്ത്യയെ ആ​ഗോള ടൂറിസം ഹബ്ബാക്കി മാറ്റാൻ കേന്ദ്രം ശ്രമങ്ങൾ‌ നടത്തുന്നു. ‌‌ ഗയയിലെ വിഷ്ണുപഥ് ക്ഷേത്രത്തിലും ബോധ്ഗയയിലെ മഹാബോധി ക്ഷേത്രത്തിലും കാശി വിശ്വനാഥ് ക്ഷേത്ര ഇടനാഴിക്ക് സമാനമായ ഇടനാഴി യാഥാർത്ഥ്യമാക്കും. രാജ്​ഗിർ‌, നളന്ദയ്‌ക്കുമായി സമ​ഗ്ര വികസന പദ്ധതിയും ധനമന്ത്രി പ്രഖ്യാപിച്ചു. ‌‌

നളന്ദയെ ആ​ഗോള ടൂറിസം കേന്ദ്രമാക്കി മാറ്റുമെന്നും നളന്ദ സർവകലാശാല വികസിപ്പിക്കുമെന്നും ബജറ്റിൽ പ്രഖ്യാപിച്ചു. ഒഡിഷയിലെ ടൂറിസം മേഖലയ്‌ക്കും ഉണർവേകുന്ന പദ്ധതികൾ പ്രഖ്യാപിച്ചിട്ടുണ്ട്. ക്ഷേത്രങ്ങൾ, കരകൗശലവസ്തുക്കൾ, പ്രകൃതിഭം​ഗി, വന്യജീവി സങ്കേതങ്ങൾ, ബീച്ചുകൾ എന്നിവയാൽ സമ്പന്നമാണ് ഒഡിഷയെന്നും വിനോദസഞ്ചാര മേഖലയിൽ മുന്നേറ്റം സൃഷ്ടിക്കാൻ ഒഡിഷയെ കേന്ദ്രം പിന്തുണയ്‌ക്കുമെന്നും ധനമന്ത്രി പറഞ്ഞു.

#Budget2024 | Union Finance Minister Nirmala Sitharaman says “Tourism has always been a part of our civilisation. Our efforts to position India as a global destination will also create jobs and unlock opportunities in other sectors. I propose Vishnupath temple at Gaya, and… pic.twitter.com/OlZ76WqGgZ

— ANI (@ANI) July 23, 2024