ഒരുപാട് അത്ഭുതങ്ങളുമായി മനുഷ്യനെ വിസ്മയിപ്പിക്കുകയാണ് പ്രകൃതി. ഇത്തരം അത്ഭുതകരമായ നിരവധി വസ്തുതകളുടെ വാർത്തകൾ ഇടയ്ക്കിടെ വെളിച്ചത്തുവരാറുണ്ട്. ഇപ്പോഴിതാ സമാനമായ ഒരു വീഡിയോ വൈറലായിരിക്കുകയാണ്. സാധാരണയായി മഴക്കാലത്ത് മഴവെള്ളം ഒഴുകി കുഴിയിലും കുളത്തിലും പുഴയിലും ചേരും. എന്നാൽ ഈ സ്ഥലത്ത് മാത്രം 150 ഏക്കറോളം സ്ഥലത്തെ മഴവെള്ളം കിണറ്റിലേക്കാണ് ഒഴുകുന്നത്.
ദക്ഷിണ കന്നഡ ജില്ലയിലെ സുല്യയ്ക്കടുത്തുള്ള അജ്ജവാര ഗ്രാമത്തിലെ മേനാലയിലാണ് ഈ പ്രത്യേക കിണർ സ്ഥിതി ചെയ്യുന്നത്. 150 ഏക്കറിലധികം വരുന്ന പ്രദേശത്ത് നിന്ന് ഒഴുകിയെത്തുന്ന മഴവെള്ളം ശേഖരിക്കാൻ ഒറ്റ കിണറാണുള്ളത് . കൊടും വനത്തിനുള്ളിലാണ് ഈ കിണർ . ഇതിന്റെ അതിമനോഹരമായ ദൃശ്യങ്ങൾ സോഷ്യൽ മീഡിയയിൽ വൈറലായി കഴിഞ്ഞു.
