അലഹബാദ് : ദേശീയ പതാകയിൽ ഖുറാൻ വാക്യങ്ങളെഴുതി ചേർത്തവർക്കെതിരെ ക്രിമിനൽ നടപടികളുമായി മുന്നോട്ട് പോകാമെന്ന് അലഹബാദ് ഹൈക്കോടതി . ഇവർക്കെതിരെ എടുത്ത ക്രിമിനൽ നടപടി റദ്ദാക്കാനും ഹൈക്കോടതി വിസമ്മതിച്ചു. മതപരമായ ഘോഷയാത്രയിൽ ഇസ്ലാമിക ഗ്രന്ഥമായ ഖുർആനിലെ വാക്യങ്ങൾ എഴുതാണ് ഇവർ ദേശീയ പതാക ഏന്തിയത്.
ഉത്തർപ്രദേശിലെ ജലൗൺ സ്വദേശിയായ ഗുലാമുദ്ദീനും മറ്റ് 5 പേർക്കുമെതിരെയാണ് പൊലീസ് ക്രിമനൽ കേസ് എടുത്തത് . . ഈ സാഹചര്യത്തിലാണ് പ്രതികൾ ജാമ്യാപേക്ഷയുമായി കോടതിയെ സമീപിച്ചത്.
എന്നാൽ പ്രതികൾ ചെയ്ത പ്രവൃത്തി പ്രഥമദൃഷ്ട്യാ ഇന്ത്യൻ പതാക കോഡ് 2002 പ്രകാരം ശിക്ഷാർഹമാണെന്ന് കേസ് പരിഗണിച്ച ജസ്റ്റിസ് വിനോദ് ദിവാകർ പറഞ്ഞു. 1971ലെ ദേശീയ ബഹുമാനത്തെ അപമാനിക്കുന്നത് തടയൽ നിയമത്തിലെ സെക്ഷൻ 2 അപേക്ഷകർ ലംഘിച്ചിട്ടുണ്ടെന്നും കോടതി പറഞ്ഞു.
ത്രിവർണ പതാക മത ധാർമ്മികതയ്‌ക്കും സാംസ്കാരിക വ്യത്യാസങ്ങൾക്കും അതീതമായി രാജ്യത്തിന്റെ ഐക്യത്തെയും നാനാത്വത്തെയും പ്രതീകപ്പെടുത്തുന്നു . ഇന്ത്യയുടെ കൂട്ടായ സ്വത്വത്തെയും പരമാധികാരത്തെയും പ്രതിനിധീകരിക്കുന്ന ഏകീകൃത ചിഹ്നമാണിത് . പതാകയോടുള്ള അനാദരവ് ദൂരവ്യാപകമായ സാമൂഹിക-സാംസ്കാരിക പ്രത്യാഘാതങ്ങൾ ഉണ്ടാക്കുമെന്നും കോടതി വ്യക്തമാക്കി.
ജാഥയ്‌ക്കിടെ ത്രിവർണ പതാക ഉയർത്തിയതായി സംസ്ഥാന സർക്കാരിന് വേണ്ടി ഹാജരായ അഡീഷണൽ സർക്കാർ അഭിഭാഷകൻ പറഞ്ഞു. ത്രിവർണ പതാകയിൽ അറബിയിൽ എന്തോ എഴുതിയിരിക്കുന്നതായി ഈ സമയത്താണ് പലരും കണ്ടു . പിന്നീട് ഇത് വാക്യങ്ങളും കൽമകളുമാണെന്ന് മനസ്സിലായി. നഗരത്തിലെ ഖാസി മൗലാന സാബിർ അലിയെ ജലൗനിലേക്ക് വിളിച്ചുവരുത്തി തിരക്കിയപ്പോ ലാ ഇലാഹി ഇല്ലില്ലാഹ് മുഹമ്മദ് ഉൽ റസൂൽ അല്ലാഹ് എന്ന് അറബിയിൽ എഴുതിയിരിക്കുന്നതാണെന്നും വ്യക്തമായി . അള്ളാഹു അല്ലാതെ ആരാധനയ്‌ക്ക് യോഗ്യനായി മറ്റാരുമില്ല എന്നാണ് ഈ വാക്കുകൾക്ക് അർത്ഥം.
