റീൽസെടുക്കാൻ എന്ത് കോപ്രായവും കാ‌‌ട്ടുന്നവർ ഈ വീഡിയോ ഒന്ന് കാണുന്നത് നല്ലതാകും. സമൂഹമാദ്ധ്യമങ്ങളിൽ വൈറലാകാൻ റോഡിൽ വാഹനവുമായി അഭ്യാസം കാട്ടിയവർക്ക് ചൂടോടെ മറുപടി നൽകി നാട്ടുകാർ. ബെംഗളൂരു-തുമക്കുരു ദേശീയ പാതയിലാണ് സംഭവം.
മേൽപ്പാലത്തിലെ ഗതാഗതം അവതാളത്തിലാക്കി ബൈക്ക് സ്റ്റണ്ട് നടത്തിയ ഗ്രൂപ്പിലെ ഒരുവന്റെ സ്കൂട്ടർ പിടികൂടിയ നാട്ടുകാർ, ഇത് കൈവരിയിൽ നിന്ന് താഴേക്ക് എറിഞ്ഞു തകർത്തു. ഇതിന്റെ വീഡിയോയാണ് സോഷ്യൽ മീഡിയയിൽ വൈറലായത്. 30 അടി താഴെയുള്ള സർവീസ് റോഡിലേക്കാണ് സ്കൂട്ടർ എറിഞ്ഞത്. ഇത് ഭാഗികമായി തകർന്നു.
കാൽനടക്കാരെയും മറ്റ് യാത്രക്കാരെയും ശല്യപ്പെടുത്തുന്നതും അപകടകരമായ രീതിയിൽ അഭ്യാസം നടത്തുന്നതും ഫ്രീക്കന്മാരുടെ പതിവായിരുന്നു. ഇതോടെ ഗതികെട്ട നാട്ടുകാരും യാത്രക്കാരും ചേർന്നാണ് ഒടുവിൽ ഇവരെ പൂട്ടാൻ തീരുമാനമെടുത്തത്. 8 പേരാണ് സ്റ്റണ്ടിംഗ് സംഘത്തിലുണ്ടായിരുന്നവർ. ഇതിൽ ചിലർ ഒളിവിലാണ്. പൊലീസ് കേസെടുത്തു. ചിലരുടെ മാതാപിതാക്കളെ സ്റ്റേഷനിലെത്തിച്ചു. അന്വേഷണം പുരോഗമിക്കുകയാണെന്ന് വ്യക്തമാക്കി.
Instant Justice – Mob throws a scooter off bridge as a boy was performing stunts in the middle of the road in Bengaluru. #viralvideo pic.twitter.com/4CsVhjT1Bm
— Bharatvanshi Ajay (@bharatvanshi_aj) August 18, 2024
