ദയാൽ..! രജനിയുടെ കൂലിയിൽ സൗബിനും; പോസ്റ്റർ പങ്കുവച്ച് ലോകേഷ്

രജനികാന്തിനെ നായകനാക്കി ലോകേഷ് കനകരാജ് സംവിധാനം ചെയ്യുന്ന ‘കൂലി’യിലെ മറ്റ് അഭിനേതാക്കളുടെ കാരക്ടർ പോസ്റ്റുകൾ പങ്കുവച്ച് തുടങ്ങി അണിയറ പ്രവർത്തകർ. മലയാളി താരം സൗബിൻ ഷാഹിറിന്റെ കാരക്ടർ പോസ്റ്ററാണ് ആദ്യമായി പുറത്തുവിട്ടത്. സി​ഗററ്റ് കടിച്ചുപിടിച്ചുകൊണ്ട് വാച്ചിൽ നോക്കിയിരിക്കുന്ന സൗബിനെയാണ് പോസ്റ്ററിൽ കാണുന്നത്.

രജനികാന്തിന്‍റെ കരിയറിലെ 171-ാം ചിത്രമാണിത്. സ്വര്‍ണക്കടത്ത് പ്രമേയമായാണ് ‘കൂലി’ ഒരുങ്ങുന്നതെന്നാണ് റിപ്പോര്‍ട്ട്. നേരത്ത ഫഹദ് ഫാസിൽ കൂലിയിൽ അഭിനയിക്കുമെന്ന് പറഞ്ഞു കേട്ടിരുന്നെങ്കിലും ഡേറ്റ് ക്ലാഷിനെ തുടർന്ന് പിന്മാറുകയായിരുന്നു. സൗബിന്റെ ആദ്യ തമിഴ് പടമാണ് കൂലി.

ചിത്രത്തിന്റെ ഷൂട്ടിം​ഗ് ഹൈദരാബാദിൽ ആരംഭിച്ചിരുന്നു.വിക്രമിന് ശേഷം ഛായാഗ്രാഹകന്‍ ഗിരീഷ് ഗംഗാധരനും ലോകേഷിനൊപ്പം വീണ്ടുമെത്തുന്നുണ്ട്. എന്ന സണ്‍ പിക്ചേഴ്സിന്‍റെ ബാനറില്‍ കലാനിധി മാരനാണ് സിനിമ നിര്‍മിക്കുന്നത്. ഫിലോമിൻ രാജാണ് എഡിറ്റർ, അൻപ് അറിവാണ് ആക്ഷൻ കൊറിയോഗ്രഫി.

Kicked to have #SoubinShahir sir joining the cast of #Coolie as #Dayal 💥

Welcome on board sir 🔥🔥@rajinikanth sir @anirudhofficial @anbariv @girishganges @philoedit @Dir_Chandhru @sunpictures pic.twitter.com/Cl9eFOpJMO

— Lokesh Kanagaraj (@Dir_Lokesh) August 28, 2024