ലൈംഗികാരോപണങ്ങൾ ഉയരുന്ന സാഹചര്യത്തിൽ മുകേഷ് രാജി വയ്‌ക്കണമെന്നാവശ്യപ്പെട്ട് എബിവിപി. ആരോപണ വിധേയനായ മുകേഷിന് ചെരുപ്പുമാല ചാർത്തിയാണ് എബിവിപി പ്രതിഷേധിച്ചത്. സർക്കാർ നടപടി സ്വീകരിക്കാൻ സർക്കാർ തയ്യാറാകണമെന്നും ആവശ്യപ്പെട്ട് കാസർകോട് നഗരത്തിൽ
കാസർകോട് നഗർ സമിതിയുടെ നേതൃത്വത്തിലാണ് പ്രതിഷേധം സംഘടിപ്പിച്ചത്. എംഎൽഎ ഓഫീസിലേക്കും പ്രതിഷേധം നടത്തി.
മുകേഷിന്റെ രാജിക്കായി വിവിധ പ്രതിപക്ഷ സംഘടനകൾ മുറവിളി കൂട്ടുമ്പോഴും എംഎൽഎ സ്ഥാനം രാജിവയ്‌ക്കേണ്ട എന്ന നിലപാടിലാണ് സിപിഎം നേതൃത്വം. സമാന ആരോപണങ്ങളിൽ പ്രതിപക്ഷ എംഎൽഎമാർ രാജിവെച്ചില്ലല്ലോ എന്ന വാദമാണ് സിപിഎം സംസ്ഥാന നേതൃത്വം ഉയർത്തുന്നത്. മൂന്ന് പേരാണ് മുകേഷിനെതിരെ രംഗത്ത് വന്നിരിക്കുന്നത്.
ഇതിനിടെ നടിയുടെ ലൈംഗിക പീഡന പരാതിയിൽ മുകേഷിനെതിരെ ജാമ്യമില്ലാ വകുപ്പ് പ്രകാരം കേസെടുത്തു. കൊച്ചി മരട് പൊലീസാണ് കേസെടുത്തത്. സിനിമയിൽ അവസരം വാഗ്ദാനം ചെയ്ത് പല തവണ പീഡിപ്പിച്ചെന്ന പരാതിയിലാണ് കേസ്.
