കോഴിക്കോട്: ബസിൽ യാത്ര ചെയ്യുന്നതിനിടയിൽ 22 കാരിയായ വിദ്യാർത്ഥിനിക്ക് നേരെ ലൈംഗികാതിക്രമം. സംഭവത്തിൽ കുറ്റ്യാടി സ്വദേശി ഫൈസലിനെ പൊലീസ് പിടികൂടി. സമീപത്തെ സീറ്റിലിരുന്ന ഇയാൾ യുവതിയെ ശാരീരികമായി ഉപദ്രവിക്കുകയായിരുന്നു.
കുറ്റ്യാടി- കോഴിക്കോട് റൂട്ടിൽ സർവീസ് നടത്തുന്ന അജ്‌വ ബസിൽ വച്ച് ഇന്ന് രാവിലെയായിരുന്നു സംഭവം. ബസ് ഉള്ള്യേരി സ്റ്റാൻഡിൽ നിന്നും പുറപ്പെട്ട സമയത്ത് ഇയാൾ യുവതിയെ കയറിപിടിക്കുകയായിരുന്നു.
യുവതി ബഹളം വച്ചതോടെ ഇയാളെ മറ്റ് യാത്രക്കാർ കയ്യോടെ പിടികൂടി പൊലീസിൽ ഏൽപ്പിച്ചു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
