വിവാഹത്തിൽ നിന്ന് പിന്മാറുന്നതായി സെലിബ്രറ്റി മേക്ക് ആർട്ടിസ്റ്റും ട്രാൻസ് വുമണുമായ സീമ വിനീത്. ഇൻസ്റ്റഗ്രാമിൽ പങ്കുവച്ച കുറിപ്പിലാണ് താരം തീരുമാനം അറിയിച്ചത്. ഞങ്ങളുടെ മാനസിക സാമാധാനത്തിനും പുരോഗതിക്കും വേണ്ടിയാണ് വേർപിരിയാൻ തീരുമാനിച്ചതെന്നും സ്വകാര്യത മനസിലാക്കണമെന്നും സീമ വിനീത് പങ്കുവച്ച കുറിപ്പിൽ വ്യക്തമാക്കുന്നു.
വിവാഹ നിശ്ചയത്തിന് ശേഷം അഞ്ചു മാസത്തിന് പിന്നാലെയാണ് ഞെട്ടിപ്പിക്കുന്ന പ്രഖ്യാപനമുണ്ടായത്.കഴിഞ്ഞ ഏപ്രിലിലാണ് വിവാഹ നിശ്ചയത്തിന്റെ ചിത്രങ്ങൾ സീമ സോഷ്യൽ മീഡിയയിലൂടെ പങ്കുവച്ച് ഔദ്യോഗിക പ്രഖ്യാപനം നടത്തിയത്. കുടുംബങ്ങളുടെ സാന്നിദ്ധ്യത്തിലായിരുന്നു നിശ്ചയം.
സീമ വിനീത് ഇൻസ്റ്റഗ്രാമിൽ പങ്കുവച്ച കുറിച്ച്
“ഒരുപാട് ആലോചിച്ചതിനു ശേഷം, പരസ്പരം ബഹുമാനം കാത്തു സൂക്ഷിക്കുന്നതിനിടയിൽ ഞങ്ങളുടെ മാനസിക സമാധാനത്തിനും പുരോഗതിക്കും വേണ്ടി നിശാന്തും ഞാനും വിവാഹനിശ്ചയത്തിന്റെ 5 മാസത്തെ ബന്ധത്തിനു ശേഷം വേർപിരിയാൻ തീരുമാനിച്ചു. ഈ ആഴത്തിലുള്ള വ്യക്തിപരമായി എടുത്ത തീരുമാനത്തിൽ ഞങ്ങളുടെ സ്വകാര്യത മനസ്സിലാക്കാനും ബഹുമാനിക്കാനും ഞങ്ങൾ മാധ്യമങ്ങളോടും സുഹൃത്തുക്കളോടും ആരാധകരോടും അഭ്യർഥിക്കുന്നു. ഞങ്ങൾ വേർപിരിഞ്ഞത് അംഗീകരിച്ചു കൊണ്ട്, ഇത് പരസ്പരം മികച്ച തീരുമാനമാണെന്ന് ഞങ്ങൾ വിശ്വസിക്കുന്നു. നിങ്ങളുടെ ധാരണയും പിന്തുണയും ഈ പ്രയാസകരമായ സമയത്തു വളരെ അധികം വിനയപൂർവം നിങ്ങളെ അറിയിക്കുന്നു. നന്ദി… സീമ വിനീത്’’
