റായ്പൂർ ; സർക്കാർ ഭൂമി കൈയ്യേറി അനധികൃതമായി നിർമ്മിച്ച മസ്ജിദ് പൊളിച്ചു നീക്കി ഛത്തീസ്ഗഡ് സർക്കാർ . ഭിലായ്-റായ്പൂർ ഹൈവേയിൽ ഉണ്ടായിരുന്ന ഭൂമിയാണ് കൈയ്യേറിയത് . മുനിസിപ്പൽ കോർപ്പറേഷൻ സംഘം സ്ഥലത്തെത്തി പള്ളിയുടെ അതിർത്തി ഭിത്തിയും അഞ്ച് കടകളും വിവാഹ മണ്ഡപവും സ്വാഗത കവാടവും മണ്ണുമാന്തി യന്ത്രം ഉപയോഗിച്ച് തകർക്കുകയായിരുന്നു. നടപടിക്ക് മൂന്ന് ദിവസം മുമ്പ് നഗരസഭ നോട്ടീസ് അയച്ചിരുന്നു.
കർബല മസ്ജിദ് കമ്മിറ്റിയാണ് ഭൂമി കൈയ്യേറി കടകളും വിവാഹ മണ്ഡപങ്ങളും ആരാധനാലയങ്ങളും പണിതു വാടകയ്ക്ക് നൽകിയത് . ഹൈക്കോടതി ഉത്തരവിനെത്തുടർന്നാണ് നഗരസഭാ സംഘം കൈയേറ്റങ്ങളെല്ലാം നീക്കം ചെയ്തത്.1984ൽ ഭിലായ്-റായ്പൂർ ഹൈവേയിൽ 800 ചതുരശ്രയടി സ്ഥലം മസ്ജിദ് നിർമാണത്തിനായി സർക്കാരിൽ നിന്ന് നൽകിയിരുന്നു . സ്പെഷ്യൽ ഏരിയ ഡെവലപ്മെൻ്റ് അതോറിറ്റി (സാഡ)യാണ് ഈ ഭൂമി നൽകിയത്. എന്നാൽ, സമിതി ഈ ഭൂമി ദുരുപയോഗം ചെയ്യുകയും 800 ചതുരശ്ര അടിക്ക് പകരം രണ്ടര ഏക്കർ ഭൂമി കയ്യേറുകയും ചെയ്തു.
മസ്ജിദിന് ശേഷം കമ്മറ്റി ഖബർസ്ഥാൻ, കല്യാണമണ്ഡപം, അഞ്ച് കടകൾ എന്നിവ നിർമ്മിച്ചു. ബിജെപി നേതാവ് എസ് കെ മൊബിൻ എന്ന ബാബർ ആണ് ഈ വിഷയത്തിൽ പരാതി നൽകിയത് . ഇതുമായി ബന്ധപ്പെട്ട് ഹർജി പരിഗണിക്കവേ എത്രയും വേഗം കൈയ്യേറ്റം ഒഴിപ്പിക്കണമെന്ന് കോടതി നിർദേശിച്ചിരുന്നു. ഇതിന് പിന്നാലെയാണ് ഭിലായ് മുനിസിപ്പൽ കോർപ്പറേഷന്റെ സംഘം പ്രവർത്തനമാരംഭിച്ചത്. മസ്ജിദിന് ചുറ്റുമുള്ള എല്ലാ മതേതര കെട്ടിടങ്ങളും പൊളിക്കുമെന്നും ഭിലായ് മുനിസിപ്പൽ കോർപ്പറേഷൻ അറിയിച്ചു.
