മാൾ ഉദ്ഘാടനത്തിനിടെ സ്റ്റേജ് തകർന്നു; തെന്നിന്ത്യൻ നടിക്ക് പരിക്ക്; വീഡിയോ

തെലങ്കാനയിലെ തോരൂറിൽ മാൾ ഉദ്ഘാടനത്തിനിടെ താത്കാലിക സ്റ്റേജ് തകർന്നു വീണ് തെന്നിന്ത്യൻ നടി പ്രിയങ്കാ മോഹന് പരിക്കേറ്റു. സംഭവത്തിന്റെ വീഡിയോ സോഷ്യൽ മീഡിയയിൽ വൈറലായി. കോൺ​ഗ്രസ് നേതാവ് ജാൻസി റെഡ്ഡിയും പരിക്കേറ്റവരിൽ ഉൾപ്പെടുന്നു. മഹബൂബബാദിൽ ഇന്നായിരുന്നു(വ്യാഴം) അപകടം.

പത്തു പേർ സ്റ്റേജിലുണ്ടായിരുന്നു. സ്റ്റേജ് തകർന്നത് പ്ര​ദേശത്ത് ആശങ്കയുണ്ടാക്കി. പൊലീസ് ഉദ്യോ​ഗസ്ഥർ സംഭവ സ്ഥലത്ത് എത്തുന്നതടക്കമുള്ള വീഡിയോയാണ് വൈറലായത്. അപകടത്തിന് പിന്നാലെ നടി വേദിവിട്ട് മടങ്ങുന്നതും കാണാം. സുരക്ഷ ഉദ്യോ​ഗസ്ഥരുടെ സഹായത്തിലാണ് നടി കാറിലേക്ക് മടങ്ങിയത്.

കോൺ​ഗ്രസ് നേതാവിന്റെ പരിക്ക് ​ഗുരുതരമെന്നാണ് സൂചന. ഇവർ ആശുപത്രിയിൽ ചികിത്സയിലാണ്. ചെറിയ പരിക്കുകളുമായി രക്ഷപ്പെട്ടതിൽ ഭാ​ഗ്യമുണ്ടെന്ന് നടി എക്സ് പോസ്റ്റിൽ വ്യക്തമാക്കി. പരിക്കേറ്റ മറ്റുള്ളവർക്കൊപ്പമാണ് തന്റെ പ്രാർത്ഥനകളെന്നും അവർ പെട്ടെന്ന് പരിക്കുകൾ ഭേദമായി തിരിച്ചുവരട്ടെയെന്നും നടി പറഞ്ഞു. നിങ്ങൾ നൽകിയ സ്നേഹാന്വേഷണത്തിനും കരുതലിനും നന്ദി പറയുന്നതായും പ്രിയങ്ക കുറിച്ചു.

Take care 🥺🥺 #PriyankaMohanpic.twitter.com/teH8pSYW7H

— ᎷɪʟLᴇᎡ᭄ (@MillerTweetz) October 3, 2024

Priyanka Mohan Faced a Terrible Stage Accident!
Three people’s were injured 💔#PriyankaMohan#Telangana pic.twitter.com/2szEGuypOZ

— P A B L O (@DhaVan_07) October 3, 2024