ന്യൂഡൽഹി : 250 കിലോമീറ്റർ അകലെ താമസിക്കുകയായിരുന്ന സൈനിക ദമ്പതികൾ ആത്മഹത്യ ചെയ്തു. ഇന്ത്യൻ എയർഫോഴ്സിൽ ഫ്ലൈറ്റ് ലെഫ്റ്റനൻ്റായിരുന്ന ദീൻ ദയാൽ ദീപ് , ഭാര്യ ആർമിയിൽ ക്യാപ്റ്റനായിരുന്ന രേണു തൻവാൻ എന്നിവരാണ് ജീവനൊടുക്കിയത് . ഒക്‌ടോബർ 14ന് രാത്രിയാണ് ആഗ്രയിലെ എയർഫോഴ്സ് സ്‌റ്റേഷനിലെ ഔദ്യോഗിക വസതിയിൽ ദീൻദയാലിനെ ഫാനിൽ തൂങ്ങി നിൽക്കുന്ന നിലയിൽ കണ്ടെത്തിയത് .
ഡൽഹി കാൻ്റിറ്റിലെ ഓഫീസർമാരുടെ മെസ്സിലാണ് രേണുവിന്റെ മൃതദേഹം കണ്ടെത്തിയത്.രേണു തൻവാന്റെ മൃതദേഹത്തിന് സമീപത്ത് നിന്ന് പോലീസ് കണ്ടെടുത്ത ആത്മഹത്യാ കുറിപ്പിൽ ഭർത്താവിനൊപ്പം തന്റെ ആഗ്രഹം സംസ്‌കരിക്കണമെന്ന് എഴുതിയിരുന്നു. ദീൻദയാലിന്റെ മുറിയിൽ നിന്ന് ആത്മഹത്യാ കുറിപ്പൊന്നും പോലീസിന് ലഭിച്ചില്ല. ക്യാപ്റ്റൻ രേണു തൻവാന്റെ മൃതദേഹം ബുധനാഴ്ച ആഗ്ര എയർ സ്റ്റേഷനിലേക്ക് അയച്ചു. പ്രണയത്തിലായിരുന്ന ഇരുവരും രണ്ട് വർഷം മുൻപാണ് വിവാഹം കഴിച്ചത്.
ദീൻ ദയാൽ ദീപ് ആഗ്രയിലെ ഖേരിയ എയർഫോഴ്സ് സ്റ്റേഷനിലാണ് അടുത്തിടെ നിയമിക്കപ്പെട്ടത് . അദ്ദേഹത്തിന്റെ ഭാര്യ ക്യാപ്റ്റൻ രേണു തൻവാറും ഇതേ സൈനിക ആശുപത്രിയിലാണ്. അസുഖബാധിതയായ അമ്മയുടെ ചികിത്സയ്‌ക്കായാണ് രേണു ഡൽഹിയിലെത്തിയത്.
ഒക്‌ടോബർ 14ന് രാത്രി സഹപ്രവർത്തകരുമായി തമാശ പറഞ്ഞാണ് ദീൻ ദയാൽ ഭക്ഷണം കഴിച്ചതെന്ന് ആഗ്ര ഡിസിപി പറഞ്ഞു. എന്നാൽ ചൊവ്വാഴ്ച വൈകിയും എഴുന്നേൽക്കാത്തതിനെ തുടർന്ന് ജീവനക്കാർ വാതിൽ തകർത്ത് അകത്തുകടന്നപ്പോഴാണ് ദീൻ ദയാലിനെ മരിച്ച നിലയിൽ കണ്ടെത്തിയത്.
