ദീപാവലി ധമാക്ക ഓഫറുമായി റിലയൻസ് ജിയോ. ഒക്ടോബർ 25 മുതൽ നവംബർ 5 വരെ ചില പ്രത്യേക പ്ലാനുകൾ റീചാർജ് ചെയ്യുന്നവർക്ക് 3,350 രൂപയുടെ വൗച്ചറുകൾ സ്വന്തമാക്കാം. EaseMyTrip, അജിയോ (Ajio), സ്വിഗ്ഗി തുടങ്ങിയവയുടെ വൗച്ചറുകളാണ് ജിയോ സമ്മാനമായി നൽകുന്നത്. ദീപാവലി ധമാക്ക ഓഫർ നേടാൻ റീചാർജ് ചെയ്യേണ്ട പ്ലാനുകൾ ഇതെല്ലാം..
899 & 3,599 പ്ലാനുകൾ
899 രൂപയുടെ പ്രീപെയ്ഡ് പ്ലാൻ എടുക്കുന്നവർക്ക് 2GB പ്രതിദിന ഡാറ്റ, 20GB അഡീഷണൽ ബോണസ്, അൺലിമിറ്റഡ് വോയ്സ് കോൾ, പ്രതിദിനം 100 SMS എന്നിവ 90 ദിവസത്തേക്ക് (3 മാസം) ആസ്വദിക്കാം. ഇനി 3,599 രൂപയുടെ പ്രീപെയ്ഡ് പ്ലാൻ സ്വീകരിച്ചാൽ 2.5GB പ്രതിദിന ഡാറ്റ, അൺലിമിറ്റഡ് വോയ്സ് കോൾ, പ്രതിദിനം 100 SMS എന്നിവ ഒരു വർഷത്തേക്ക് ലഭിക്കും. ഇതിൽ ഏത് പ്ലാൻ എടുത്തവരാണെങ്കിലും ദീപാവലി ധമാക്ക ഓഫർ സ്വന്തമാക്കാം.
-EaseMyTrip: ഹോട്ടലുകൾക്കും വിമാന യാത്രാ ബുക്കിംഗുകൾക്കും 3,000 രൂപയുടെ ഡിസ്കൗണ്ട് വൗച്ചർ.
-Ajio: 999 രൂപയ്ക്ക് മുകളിൽ ഓർഡർ ചെയ്താൽ 200 രൂപയുടെ ഡിസ്കൗണ്ട് വൗച്ചർ.
-Swiggy: ഭക്ഷണം ഓർഡർ ചെയ്താൽ 150 രൂപയുടെ ഡിസ്കൗണ്ട് വൗച്ചർ.
റീചാർജ് ചെയ്ത ശേഷം, MyJio ആപ്പ് വഴി ഉപഭോക്താക്കൾക്ക് വൗച്ചറുകൾ ആക്സസ് ചെയ്യാൻ കഴിയും.
