ചോക്ലേറ്റ് ഇഷ്ടമില്ലാത്തവർ ഉണ്ടാവില്ല. കൊക്കോ ചെടിയുടെ വിത്ത് ഉപയോഗിച്ച് നിർമ്മിക്കുന്ന സ്വാദിഷ്ടമായ ചോക്ലേറ്റ് വിവിധ തരത്തിലുണ്ട്. അതിന്റെ ക്വാളിറ്റി അനുസരിച്ച് ചോക്ലേറ്റിന്റെ വിലയിലും വ്യത്യാസം വരും. ലോകത്തിലെ ഏറ്റവും വിലപിടിപ്പുള്ള ചോക്ലേറ്റ് ഏതെന്ന് അറിയുമോ. ഒരു ഇക്വഡോറിയൻ ചോക്ലേറ്റ് കമ്പനിയുടെ ചോക്ലേറ്റാണ് ലോകത്തിലെ ഏറ്റവും വിലയേറിയത്.
ഇക്വഡോറിൽ നിന്നുള്ള To’ak ചോക്കലേറ്റാണ് ഒന്നാം സ്ഥാനത്ത്. 1.5 ഔൺസ് ബാറിന് $685 (ഏകദേശം ₹57,100) ആണ് ഇതിന്റെ വില. മുൻ വാൾസ്ട്രീറ്റ് വ്യാപാരിയായ ജെറി ടോത്ത് ഇക്വഡോറിയൻ മഴക്കാടുകളിൽ നിന്ന് ഏറ്റവും മികച്ച കൊക്കോ ബീൻസ് ശേഖരിച്ച് ആരംഭിച്ചതാണ് ഈ വ്യവസായം.
ജെറി ടോത്ത്, കാൾ ഷ്വീസർ, ഡെനിസ് വലൻസിയ എന്നിവർ ചേർന്ന് 2013-ലാണ് To’ak ചോക്കലേറ്റ് സ്ഥാപിക്കുന്നത്. അപൂർവ നാഷനൽ കൊക്കോ ബീൻ ഇനത്തിൽ നിന്നാണ് ഇത് ഉത്പാദിപ്പിക്കുന്നത്. To’ak ചോക്കലേറ്റിന്റെ ഹെയർലൂം നാഷണൽ കൊക്കോ ബാറിനെ CNBC 2017-ൽ “ലോകത്തിലെ ഏറ്റവും വിലകൂടിയ ചോക്ലേറ്റ് ബാർ” എന്ന് വിശേഷിപ്പിച്ചു.
വംശനാശം സംഭവിച്ചതായി ചില വിദഗ്ദർ കരുതിയിരുന്ന നാഷനൽ ഇനം കൊക്കോ ബീൻസിൽ നിന്നാണ് ഈ ചോക്ലേറ്റ് ബാറുകൾ നിർമ്മിക്കുന്നത്. ചോക്ലേറ്റ് ബാർ കൈകൊണ്ട് നിർമ്മിച്ചതാണ്. കൂടാതെ കൊക്കോ ബീൻസ് പുളിപ്പിക്കുന്നതാണ് ഉൽപാദനത്തിൽ ഉൾപ്പെടുന്നത്. ചോക്കലേറ്റ് ബാർ പൂർണ്ണമായും നാഷനൽ കൊക്കോ ബീൻ കൊണ്ടാണ് നിർമ്മിച്ചിരിക്കുന്നത്. അതിൽ ചെറിയ അളവിൽ കരിമ്പ് പഞ്ചസാര ചേർത്തിട്ടുണ്ട്. ബാറിന്റെ ഉത്ഭവത്തെ സൂചിപ്പിക്കാൻ ഒരു വറുത്ത കൊക്കോ ബീൻ ബാറിന്റെ മധ്യത്തിൽ സ്ഥാപിച്ചിരിക്കുന്നു. To’ak ചോക്കലേറ്റ് ശുദ്ധമായ ചോക്കലേറ്റാണ്.
