തോറ്റ്​ ഗതി​കെട്ടു! ടെൻ ഹാ​ഗിനെ പുറത്താക്കി മാഞ്ചസ്റ്റർ യുണൈറ്റഡ്

ഇം​ഗ്ലീഷ് വമ്പന്മാരായ മാഞ്ചസ്റ്റർ യുണൈറ്റഡ് മാനേജർ എറി​ക് ടെൻ ഹാ​ഗിനെ പുറത്താക്കി. ക്ലബിന്റെ മോശം പ്രകടനത്തെ തുടർന്നാണ് നീക്കം. ആരാധകർ പരിശീലകനെ പുറത്താക്കണമെന്ന് മുറവിളി കൂട്ടിയിരുന്നു. ഇടക്കാല പരിശീലകനായി മുൻ സ്ട്രൈക്കർ റൂഡ് വാൻ നിസ്റ്റൽ റൂയ് ആണ് താത്കാലിക പരിശീലകൻ. 2022-ൽ ചുമതലയേറ്റ ടെൻ​ഹാ​ഗിന് ക്ലബിനൊപ്പം രണ്ടു ആഭ്യന്തര ട്രോഫികൾ നേടാനായി. 2023 ലെ കരാബോ കപ്പും, 2024-ൽ എഫ് എ കപ്പുമാണ് സ്വന്തമാക്കിയത്. 2013-ൽ സർ അലക്സ് ഫെർ​ഗൂസൺ വിരമിച്ച ശേഷം നിയമിതനാകുന്ന അഞ്ചാമത്തെ മാനേജരായിരുന്നു ടെൻഹാ​​ഗ്

പരിശീലകനെ പുറത്താക്കിയ വിവരം ക്ലബ് തന്നെയാണ് ഔദ്യോ​ഗിക പ്രസ്താവനയിൽ സ്ഥിരീകരിച്ചത്. അദ്ദേഹത്തിന്റെ സമയത്ത് ക്ലബിനായി ചെയ്തതിനെല്ലാം നന്ദിയുണ്ടെന്ന് പ്രസ്താവനയിൽ വ്യക്തമാക്കി. കഴിഞ്ഞ ​​ദിവസം വെസ്റ്റ്ഹാമിനോടും തോറ്റതോടെയാണ് ടെൻ​ഹാ​ഗിന്റെ സീറ്റ് തെറിച്ചത്. പ്രീമിയർ ലീ​ഗിലെ നാലാം തോൽവിയായിരുന്നു ഇത്. ഈ സീസണിൽ 14-ാം സ്ഥാനത്താണ് ക്ലബ്. ക്രിസ്റ്റ്യാനോ റൊണാൾഡോ ക്ലബ് വിടുമ്പോൾ ടെൻഹാ​ഗിനെതിരെ രൂക്ഷ വിമർശനം ഉയർത്തിയിരുന്നു.