വയനാട് മണ്ഡലം യുഡിഎഫ് സ്ഥാനാർത്ഥി പ്രിയങ്ക നാമനിർദേശ പത്രികയിൽ സ്വത്ത് വിവരങ്ങൾ മറച്ചുവച്ച സംഭവത്തിൽ തെരഞ്ഞെടുപ്പ് ഓഫീസർക്ക് പരാതി നൽകി എൻഡിഎ സ്ഥാനാർത്ഥി നവ്യ ഹരിദാസ്. നാമനിർദ്ദേശ പത്രികയിലും, സത്യവാങ്മൂലത്തിലും പ്രസക്തമായ വിവരങ്ങൾ മനഃപൂർവം മറച്ചുവെച്ചെന്നാണ് പരാതി.
നാഷണൽ ഹെറാൾഡ് കേസിലെ ഓഹരികൾ, സ്വത്തുക്കൾ തുടങ്ങിയവയുമായി ബന്ധപ്പെട്ട് പ്രിയങ്കയ്ക്ക് എതിരെയുള്ള കേസുകൾ രേഖപ്പെടുത്തിയിട്ടില്ല. നാഷണൽ ഹെറാൾഡിൽ സോണിയ ഗാന്ധിയുടെയും, രാഹുലിന്റെയും ഓഹരികൾ പരാമർശിക്കുന്നത് സൗകര്യപൂർവ്വം ഒഴവാക്കിയെന്നും പരാതിയിൽ പറയുന്നു.
എന്നാൽ സ്വത്ത് വിവരങ്ങൾ താൻ മറച്ചുവച്ചിട്ടില്ലെന്നാാണ് പ്രിയങ്ക പറയുന്നത്. ഒന്നും മറച്ചുവച്ചിട്ടില്ല, സത്യവാങ്മൂലത്തിൽ നൽകിയിട്ടുള്ളതാണ് വസ്തുത. നാമനിർദേശ പത്രിക വരണാധികാരി സ്വീകരിച്ചുവെന്നും പ്രിയങ്ക പ്രതികരിച്ചു.
