ഛത്ത് പൂജ ആഘോഷങ്ങളുടെ ഭാഗമായി വെള്ളിയാഴ്ച(7) പൊതു അവധിയായി പ്രഖ്യാപിച്ച് ഡൽഹി സർക്കാർ. ഡൽഹി നിയമസഭ തിരഞ്ഞെടുപ്പ് പ്രഖ്യാപിക്കാനിരിക്കെയാണ് അതിഷി സർക്കാരിന്റെ നീക്കം. പൂർവാഞ്ചലി സമുദായത്തിന്റെ പ്രധാന ആഘോഷമാണ് ഛത്ത് പൂജ. ഡൽഹിയിലെ 1.5 കോടി വോട്ടർമാരിൽ 70 ശതമാനവും പഞ്ചാബികളും പൂർവാഞ്ചലികളുമാണ്. ബുരാരി, ലക്ഷ്മി നഗർ, ധ്വാരക എന്നിവിടങ്ങളിലാണ് പൂർവാഞ്ചലി സമുദായം ഏറെയുള്ളത്.
ദീപാവലിക്ക് 6 ദിവസത്തിന് ശേഷമാണ് ഛത്ത് ഉത്സവം ആഘോഷിക്കുന്നത്. നാല് ദിവസം നീണ്ടുനില്‍ക്കുന്ന ഈ ഉത്സവത്തില്‍ സ്ത്രീകള്‍ 36 മണിക്കൂര്‍ നിര്‍ജാല വ്രതം അനുഷ്ഠിക്കുന്നു. ആറാമത്തെ മായയെ ആരാധിക്കുകയും സൂര്യദേവന് സത്ത് നല്‍കുകയും ചെയ്ത ശേഷമാണ് ഈ വ്രതം അവസാനിക്കുന്നത്. കാര്‍ത്തിക മാസത്തിലെ ശുക്ല പക്ഷത്തിന്റെ ആറാം ദിവസമാണ് ആഘോഷിക്കുന്നത്. ബിഹാര്‍, ജാര്‍ഖണ്ഡ്, ഉത്തര്‍പ്രദേശ് എന്നിവിടങ്ങളില്‍ പ്രധാനമായും ആഘോഷിക്കന്നു.
