രാജ്യത്തുടനീളം ഗംഭീരമായാണ് ജനങ്ങൾ ദീപാവലി ആഘോഷിച്ചത് . വീടുകളും കെട്ടിടങ്ങളും കടകളും വർണ്ണാഭമായ വൈദ്യുത വിളക്കുകൾ കൊണ്ട് അലങ്കരിച്ചു . പലരും വീടിനു മുന്നിൽ മൺവിളക്കുകൾ കത്തിച്ചു.
എന്നാൽ, ഡൽഹിയിൽ ദീപാവലി ആഘോഷത്തിനിടെ കണ്ട വിസ്മയ ദൃശ്യമാണ് എല്ലാവരുടെയും മനസിൽ തിളക്കമേറ്റിയത് . എല്ലാവരും വളരെ വിലയേറിയ വീടുകൾക്കും , ഫ്ലാറ്റുകൾക്കും മുന്നിൽ ദീപങ്ങൾ തെളിച്ചപ്പോൾ തന്റെ ജീവനോപാധിയായ റിക്ഷയിലാണ് ഒരു യുവാവ് ദീപങ്ങൾ തെളിയിച്ചത് .
ദീപാവലിയുടെ പ്രകാശം തന്റെ ജീവിതത്തിലും പ്രതിഫലിക്കാനാണ് ഇത്തരത്തിൽ ദീപങ്ങൾ തെളിയിച്ചതെന്നും യുവാവ് പറയുന്നു . യാത്രക്കാരിലൊരാൾ പകർത്തിയ ദൃശ്യങ്ങൾ ഇതിനോടകം സോഷ്യൽ മീഡിയയിൽ വൈറലായി കഴിഞ്ഞു . ഏറെ പേരാണ് യുവാവിനെ അഭിനന്ദിച്ച് കമന്റ് ചെയ്തിരിക്കുന്നത് .
