ഉപതെരഞ്ഞെടുപ്പ്; ചേലക്കരയിൽ രേഖകളില്ലാതെ കടത്തിയ 25 ലക്ഷം രൂപ പിടികൂടി; പരിശോധന കടുപ്പിച്ച് തെരഞ്ഞെടുപ്പ് സ്ക്വാഡ്

ചേലക്കര: രേഖകളില്ലാതെ 25 ലക്ഷം രൂപ കടത്തി. ചേലക്കര അതിർത്തി പ്രദേശമായ വള്ളത്തോൾ‌ ന​ഗറിൽ കലാമണ്ഡലം പരിസരത്താണ് സംഭവം. കുളപ്പുള്ളി സ്വദേശികളിൽ നിന്നാണ് തെരഞ്ഞെടുപ്പ് സ്ക്വാഡ് പണം പിടികൂടിയത്. മതിയായ രേഖകളില്ലാതെയാണ് പണം കടത്തിയതെന്ന് ആദായ നികുതി വകുപ്പ് അറിയിച്ചു.

തെരഞ്ഞെടുപ്പ് ഡ്യൂട്ടിയിലുണ്ടായിരുന്ന പൊലീസുകാരാണ് രാവിലെ വാഹനത്തിൽ നിന്ന് പണം കണ്ടെടുത്തത്. കാറിന്റെ പിൻവശത്ത് ബാ​ഗിൽ സൂക്ഷിച്ച നിലയിലായിരുന്നു പണം. . ബാങ്കിൽ നിന്ന് പിൻവലിച്ച പണമാണ് ഇതെന്നാണ് ഇവരുടെ വാദം. വീട് നിർമാണം പുരോ​ഗമിക്കുകയാണെന്നും അതിനായി മാർബിൾ വാങ്ങാനായി എറണാകുളത്തേക്ക് പോകുകയാണെന്നുമാണ് പ്രതികൾ പൊലീസിനോട് പറഞ്ഞത്. നാളെ തെരഞ്ഞെടുപ്പ് നടക്കുന്നതിനാൽ‌ സംസ്ഥാനമൊട്ടാകെ പരിശോധന കർശനമാക്കിയിട്ടുണ്ട്.