പ്രയാഗ്‌രാജ് : രാജ്യത്തിനകത്തും പുറത്തും മഹാ കുംഭമേളയുടെ ബ്രാൻഡിംഗ് ആരംഭിച്ചു. മഹാ കുംഭമേളയുടെ ബ്രാൻഡിംഗ് വീഡിയോ മെഗാസ്റ്റാർ അമിതാഭ് ബച്ചൻ കഴിഞ്ഞ പുറത്തിറക്കിയിരുന്നു. പിന്നാലെ ഡൽഹി മെട്രോയും മഹാ കുംഭമേളയുടെ പ്രചരണം തുടങ്ങി
ഡൽഹി മെട്രോയുടെ എല്ലാ കോച്ചുകളിലും, സ്നാനതീയതികളും മഹാ കുംഭമേളയുടെ ലോഗോയും മഹാ കുംഭമേള ആപ്പിന്റെ ക്യുആർ കോഡും പതിച്ചിട്ടുണ്ട്. വിശദമായ വിവരങ്ങൾ ലഭിക്കാൻ ഇവ സ്കാൻ ചെയ്യാം.
രാജ്യത്തെ എല്ലാ മെട്രോകളിലും ഈയാഴ്ച ബ്രാൻഡിംഗ് ആരംഭിക്കും. ബ്രാൻഡിംഗ് വിമാനങ്ങളിലും ഉടൻ നടക്കും. മെട്രോ സ്റ്റേഷനുകൾ മുതൽ വിമാനത്താവളങ്ങളിലും എല്ലാ ബസ് സ്റ്റാൻഡുകളിലും മഹാ കുംഭമേളയുടെ ഹോർഡിംഗുകൾ സ്ഥാപിക്കും.
ഭക്തർക്ക് മികച്ച സൗകര്യങ്ങളും മാർഗനിർദേശങ്ങളും നൽകുന്നതിനായി പ്രയാഗ്‌രാജ് മേള അതോറിറ്റി ‘മഹാ കുംഭമേള 2025’ ആപ്പ് പുറത്തിറക്കിയിരുന്നു. മഹാ കുംഭമേള ആപ്പിന്റെ ക്യുആർ കോഡ് സ്കാൻ ചെയ്ത് തുറക്കുന്നതിലൂടെ, ഭക്തർക്ക് അതിന്റെ ഹോംപേജിലെ ‘പ്ലാൻ യുവർ പിൽഗ്രിമേജ്’ വിഭാഗത്തിൽ ‘ഘട്ടിലേക്കുള്ള ദിശ നേടുക’ എന്ന ഓപ്ഷൻ തിരഞ്ഞെടുക്കാം. പ്രയാഗ്‌രാജിലെ ഏഴ് പ്രധാന ഘട്ടങ്ങളായ ദശാശ്വമേധ് ഘട്ട്, കില ഘട്ട്, റസുലാബാദ് ഘട്ട്, നൗക ഘട്ട്, മഹേവ ഘട്ട്, സരസ്വതി ഘട്ട്, ഗ്യാൻ ഗംഗാ ഘട്ട് എന്നിവയിലേക്കുള്ള മാർഗനിർദേശങ്ങൾ ഇതിലൂടെ ലഭിക്കും.
