മലപ്പുറം: മലബാർ ഗോൾഡ് ആന്റ് ഡയമണ്ട്സിൽ നിന്ന് സ്വർണമാല മോഷ്ടിച്ച പ്രതി പിടിയിൽ. പെരിന്തൽമണ്ണ ആനമങ്ങാട് സ്വദേശി മുഹമ്മദ് ജാബിർ (28) ആണ് പിടിയിലായത്. ഇന്ന് പുലർച്ചെ പെരിന്തൽമണ്ണയിൽ വെച്ചാണ് പ്രതി മുഹമ്മദ് ജാബിറിനെ നടക്കാവ് പൊലീസ് പിടികൂടിയത്.
കോഴിക്കോടുള്ള മലബാർ ഗോൾഡ് ആന്റ് ഡയമണ്ട്സിന്റെ ഷോറൂമിൽ കഴിഞ്ഞ ദിവസമാണ് സംഭവം. സ്വർണം വാങ്ങാനെന്ന വ്യാജേന രാവിലെ പത്തേമുക്കാലോടെയാണ് ഇയാൾ കടയിലെത്തിയത്. തുടർന്ന് ആരും കാണുന്നില്ലെന്ന് ഉറപ്പാക്കിയ ശേഷം ആറരപ്പവന്റെ സ്വർണമാല മോഷ്ടിക്കുകയായിരുന്നു.
മൂന്ന്‌ മാല ഇഷ്ടപ്പെട്ടുവെന്നും ഇത് മാറ്റിവക്കാനും ഇയാൾ ജീവനക്കാരനോട് ആവശ്യപ്പെട്ടു. ശേഷം വീട്ടിൽ നിന്ന് ആളെകൂട്ടികൊണ്ടുവന്ന് വാങ്ങാമെന്ന് കള്ളം പറഞ്ഞ് മുങ്ങുകയായിരുന്നു. സിസിടിവി ദൃശ്യങ്ങൾ കേന്ദ്രീകരിച്ച് നടത്തിയ അന്വേഷണത്തിലാണ് ജാബിർ പൊലീസ് പിടിയിലായത്.
