വിവാദങ്ങൾക്കിടയിൽ അദാനി ഗ്രൂപ്പ് കമ്പനികളുടെ ഓഹരികൾ കുത്തനെ ഉയർന്നു . അദാനി ഗ്രൂപ്പ് സ്റ്റോക്ക് എക്സ്ചേഞ്ചിൽ ലിസ്റ്റ് ചെയ്ത 11ൽ 9 കമ്പനികളുടെയും ഓഹരികൾ വെള്ളിയാഴ്ച വൻ നേട്ടം രേഖപ്പെടുത്തി.
അദാനി ഗ്രീൻ എനർജി 21.72 % , അദാനി എനർജി സൊല്യൂഷൻസ് 15.56 % , അംബുജ സിമൻ്റ്സ് 3.73 %, അദാനി പോർട്ട്സ് 1.94 %, , അദാനി ടോട്ടൽ ഗ്യാസ് 1.03 % , അദാനി എൻ്റർപ്രൈസസ് 1.02 %, അദാനി എൻ്റർപ്രൈസസ് 1.02 % വും വർധിച്ചു. തുടർച്ചയായ മൂന്നാംദിനമാണ് അദാനി ഗ്രൂപ്പ് ഓഹരികൾ നേട്ടത്തിലേറുന്നത്.
ഗൗതം അദാനിയുടെ സമ്പത്തിൽ 73,000 കോടി രൂപയുടെ വർധനവുണ്ടായി. ലോകത്തിലെ 20 ശതകോടീശ്വരന്മാരുടെ പട്ടികയിലാണ് അദാനി. ബ്ലൂംബെർഗ് ബില്യണയേഴ്സ് ഇൻഡക്സ് കണക്കുകൾ പ്രകാരം നിലവിൽ ഗൗതം അദാനിയുടെ മൊത്തം ആസ്തി 75.5 ബില്യൺ ഡോളറാണ്.
അതേസമയം അദാനി ഗ്രൂപ്പിന് പിന്തുണയറിയിച്ച് മുൻനിര ജാപ്പനീസ് ബാങ്കുകളും രംഗത്തുവന്നു. അദാനി ഗ്രൂപ്പിൽ വിശ്വാസമർപ്പിക്കുന്നുവെന്നും നിക്ഷേപപിന്തുണ തുടർന്നും നൽകുമെന്നുമാണ് അബുദാബി ഐഎച്ച്സിയും വ്യക്തമാക്കി.നേരത്തെ ഇസ്രായേലും അദാനി ഗ്രൂപ്പിനെ പിന്തുണച്ച് എത്തിയിരുന്നു.
