വാ‍ർഷികാഘോഷത്തിന് അതിഥികളുടെ സമ്മാനം! ബാഴ്സയ്‌ക്ക് ഞെട്ടിപ്പിക്കുന്ന തോൽവി

​ഹോം ​ഗ്രൗണ്ടിൽ ബാഴ്സലണോയ്‌ക്ക് ഞെട്ടിപ്പിക്കുന്ന തോൽവി. ലാസ് പാൽമാസ് ഒന്നിനെതിരെ രണ്ടു​ഗോളുകൾക്കാണ് സ്പാനിഷ് വമ്പന്മാരെ അട്ടിമറിച്ചത്. ബാഴ്സലോണയുടെ 125-ാം വാർഷികാഘോഷം പുരോ​ഗമിക്കുന്നതിനിടെയാണ് വമ്പൻ പരാജയം . മത്സരത്തിലാകെ ആധിപത്യം പുലർത്തിയതും 30-ലേറെ ഷോട്ടുകൾ ഉതിർത്തതും ബാഴ്സയായിരുന്നു. എന്നാൽ തുച്ഛമായ അവസരങ്ങൾ ലാസ് പാൽമാസ് ​ഗോളാക്കി മാറ്റുകയായിരുന്നു.

34 പോയിന്റുമായി തലപ്പത്തുണ്ടെങ്കിലും ബാഴ്സയ്‌ക്ക് വെല്ലുവിളിയായി റയൽ പിന്നാലെയുണ്ട്. നാലുപോയിൻ്റ് മാത്രമാണ് വ്യത്യാസം. അവർക്ക് ഇനി രണ്ടു മത്സരങ്ങളും ബാക്കിയുണ്ട്. ഉ​ഗ്രൻ ജയത്തോടെ ലാസ് പാൽമാസ് 15 പോയിന്റുമായി 14-ാം സ്ഥാനത്തേക്ക് കയറി. രണ്ടാം പകുതിയുടെ തുടക്കത്തിൽ സാൻഡ്രോയാണ് സന്ദർശകരെ മുന്നിലെത്തിച്ചത്.

49-ാം മിനിട്ടിലായിരുന്നു ബാഴ്സയുടെ വല കുലുങ്ങിയത്. സമനില പിടിക്കാൻ തുടരെ ആക്രമണം അഴിച്ചുവിട്ട കറ്റാലന്മാർക്ക് 61-ാം മിനിട്ടിലാണ് ഫലം ലഭിച്ചത്. റാഫിഞ്ഞയിലൂടെയാണ് ആതിഥേയർ സമനില പിടിച്ചത്. എന്നാൽ 67-ാം മിനിട്ടിൽ ബാഴ്സയുടെ ചങ്കിൽ വെടിപെട്ടിച്ച് ഫാബിയോ സിൽവ സന്ദ​ർശകർക്ക് വിജയ ഗോൾ സമ്മാനിച്ചു. ലാലി​ഗയിൽ തുടർച്ചയായ മൂന്നാം മത്സരത്തിലാണ് ബാഴ്സ ജയമില്ലാതെ പോകുന്നത്.

Gesta histórica de la UD Las Palmas al derrotar 1-2 al Barcelona, felicitándole así por su 125° aniversario.

Los goles de Sandro y Fabio Silva alejan a los canarios del descenso y dejan al Real Madrid a 4 puntos del Barça con dos partidos menos que éste.pic.twitter.com/X8I0HwD1tU

— Helena 🇮🇨 (@HdeHelena_RM) November 30, 2024