പാലക്കാട്: ഒറ്റപ്പാലത്ത് നിന്ന് കാണാതായ കുട്ടികളെ കണ്ടെത്തി. ചെർപ്പുളശേരി ബസ് സ്റ്റാൻഡിൽ നിന്നാണ് കുട്ടികളെ കണ്ടെത്തിയത്. അനങ്ങനടി ഹൈസ്കൂളിലെ ഒമ്പതാം ക്ലാസ് വിദ്യാർത്ഥിനികളാണിവർ.
വിദ്യാർത്ഥിനികൾ എവിടേക്കാണ് പോയത് എന്നതിനെ കുറിച്ച് വ്യക്തമല്ല. ഒറ്റപ്പാലം പൊലീസ് ചെർപ്പുളശേരിയിലേക്ക് തിരിച്ചിട്ടുണ്ട്. കുട്ടിക‌ളോട് സംസാരിച്ചതിന് ശേഷം രക്ഷിതാക്കൾക്കൊപ്പം അയയ്‌ക്കും.
ക്ലാസിൽ ഹാജരാവാത്ത വിദ്യാർത്ഥികളുടെ ലിസ്റ്റ് ക്ലാസ് അദ്ധ്യാപിക രക്ഷിതാക്കളുടെ ഗ്രൂപ്പിൽ ഇട്ടിരുന്നു. വിദ്യാർത്ഥികൾ രാവിലെ സ്കൂളിലേക്ക് പോയതായാണ് രക്ഷിതാക്കൾ പറഞ്ഞത്. എന്നാൽ, കുട്ടികൾ സ്കൂളിൽ എത്തിയിരുന്നില്ല. തുടർന്ന് അദ്ധ്യാപകർ പൊലീസിനെ വിവരമറിയിക്കുകയായിരുന്നു.
