ശിവകാശി: ശിവകാശിയിൽ ഇരുചക്രവാഹനത്തിൽ പതുങ്ങിയിരുന്ന പാമ്പിന്റെ കടിയേറ്റ് ഒരാൾ മരിച്ചു. ചായക്കട നടത്തി ഉപജീവനം കഴിച്ചിരുന്ന
വെങ്കിടേശൻ ആണ് മരിച്ചത്.
ശിവകാശി കോർപ്പറേഷന്റെ കീഴിലുള്ള തിരുടങ്ങൽ ഭാഗത്ത് ചായക്കട നടത്തുകയായിരുന്നു വെങ്കിടേശൻ. ഇന്നലെ രാത്രി കടയടച്ച് വീട്ടിലേക്ക് പോകുമ്പോൾ ഇരുചക്രവാഹനത്തിന്റെ മുൻവശത്ത് പതിയിരുന്ന വിഷപ്പാമ്പ് വെങ്കിടേശന്റെ കൈയിൽ കടിച്ചതായി പറയുന്നു. പാമ്പു കടിച്ചു എന്ന് തിരിച്ചറിഞ്ഞതിനെ തുടർന്ന് ഇയാൾ വാഹനത്തിൽ നിന്ന് വീണു.
കണ്ടുനിന്നവർ പാമ്പിനെ തല്ലിക്കൊന്നു. വെങ്കിടേശനെ തിരുത്താങ്കൽ സർക്കാർ ആശുപത്രിയിൽ പ്രവേശിപ്പിച്ചു. തുടർന്ന് കൂടുതൽ ചികിത്സയ്ക്കായി വിരുദുനഗർ സർക്കാർ മെഡിക്കൽ കോളേജ് ആശുപത്രിയിലേക്ക് കൊണ്ടുപോയി. എന്നാൽ അവിടെയെത്തിയപ്പോഴേക്കും വെങ്കിടേശൻ മരിച്ചു.
ഇതിനു മുൻപും പലയിടത്തും ഇരുചക്രവാഹനങ്ങളിൽ പാമ്പുകൾ കയറിക്കൂടിയ സംഭവങ്ങൾ ഉണ്ടായിട്ടുണ്ട്. ചില യാത്രക്കാർ പാമ്പു കടിയേറ്റ് മരിച്ചിട്ടുമുണ്ട്.
തിരുത്താങ്കൽ പോലീസ് കേസെടുത്ത് അന്വേഷണം ആരംഭിച്ചു.
