ന്യൂഡൽഹി: എസ്എം കൃഷ്ണയുടെ മരണത്തിൽ പ്രധാനമന്ത്രി അനുശോചനം രേഖപ്പെടുത്തി. മറ്റുള്ളവരുടെ ജീവിതം മെച്ചപ്പെടുത്താൻ എസ്എം കൃഷ്ണ എപ്പോഴും അക്ഷീണം പ്രയത്നിച്ചിട്ടുണ്ടെന്ന് പ്രധാനമന്ത്രി നരേന്ദ്രമോദി അനുശോചന സന്ദേശത്തിൽ പറഞ്ഞു.
“ശ്രീ എസ് എം കൃഷ്ണാജി ഒരു അസാധാരണ നേതാവാണ്. സമൂഹത്തിന്റെ നാനാതുറകളിലുള്ളവർ അദ്ദേഹത്തെ ആരാധിച്ചിരുന്നു. മറ്റുള്ളവരുടെ ജീവിതം മെച്ചപ്പെടുത്താൻ അദ്ദേഹം എപ്പോഴും അശ്രാന്തമായി പ്രവർത്തിച്ചു.
കർണാടക മുഖ്യമന്ത്രിയായിരുന്ന കാലത്ത് അടിസ്ഥാന സൗകര്യ വികസനത്തിൽ അദ്ദേഹം പ്രത്യേക ശ്രദ്ധ ചെലുത്തിയിട്ടുണ്ട്. മികച്ച വായനക്കാരനും ചിന്തകനും കൂടിയായിരുന്നു കൃഷ്ണ ജി.
എസ് എം കൃഷ്ണ ജിയുമായി സംവദിക്കാൻ ധാരാളം അവസരങ്ങൾ ലഭിച്ചു. അദ്ദേഹത്തിന്റെ മരണത്തിൽ എനിക്ക് അതിയായ ദുഃഖമുണ്ട്. അദ്ദേഹത്തിന്റെ കുടുംബത്തിനും ആരാധകർക്കും എന്റെ അനുശോചനം അറിയിക്കുന്നു” . എക്‌സിലെ പോസ്റ്റിൽ നരേന്ദ്രമോദി പ്രസ്താവിച്ചു.
എസ്എം കൃഷ്ണയുടെ മാതൃകാപരമായ രാഷ്‌ട്ര സേവനത്തിന് 2023-ൽ പത്മവിഭൂഷൺ നൽകി അദ്ദേഹത്തെ ഭാരത സർക്കാർ ആദരിച്ചു.
Photo Courtesy : പ്രധാനമന്ത്രിയുടെ എക്സ് പേജ്
