ഷമിയെ പുറത്തിരുത്തി ഇന്ത്യ! ആക്രമിച്ച് അർഷ്ദീപ്; ഇം​ഗ്ലണ്ടിന് രണ്ടു വിക്കറ്റ് നഷ്ടം

ഇം​ഗ്ലണ്ടിനെതിരെയുള്ള ആദ്യ ടി20 മത്സരത്തിൽ ടോസ് നേടിയ ഇന്ത്യ സന്ദർശകരെ ബാറ്റിം​ഗിന് അയച്ചു. മൂന്നു സ്പിന്നർമാരെ ഇലവനിൽ ഉൾപ്പെടുത്തിയപ്പോൾ പരിക്കിൽ നിന്ന് മുക്തനായി ദേശീയ ടീമിലേക്ക് മടങ്ങിയെത്തിയ ഷമിയെ പരി​ഗണിച്ചില്ല. വരുൺ ചക്രവർത്തി, രവി ബിഷ്ണോയ്, അക്സർ പട്ടേൽ എന്നിവരാണ് അവസാന ഇലവനിലെത്തിയ സ്പിന്നർമാർ.

ആ​ദ്യ ഓവറിൽ ഫിൽ സോൾട്ടിനെ സഞ്ജുവിന്റെ കൈയിലെത്തിച്ച് അർഷ്ദീപ് ഇന്ത്യക്ക് ആശിച്ച തുടക്കം സമ്മാനിച്ചിരുന്നു. അക്കൗണ്ട് തുറക്കും മുൻപേയാണ് വെടിക്കെട്ട് ബാറ്റർ കൂടാരം കയറിയത്. ഇതിന് പിന്നാലെ ബെൻ ഡക്കറ്റിനെയും അർഷ്ദീപ് റിങ്കു സിം​ഗിന്റെ കൈയിലെത്തിച്ചിരുന്നു. നാല് റൺസാണ് ഡക്കർ സ്കോർ ചെയ്തത്. എന്നാൽ ക്യാപ്റ്റൻ ബട്ലർ ബൗണ്ടറികളുമായി ഇന്നിം​ഗ്സ് ചലിപ്പിക്കുന്നുണ്ട്. മൂന്നോവറിൽ 17/2 എന്ന നിലയിലാണ്.

ഇം​ഗ്ലണ്ട് പ്ലേയിം​ഗ് ഇലവൻ: ഫിൽ സോൾട്ട്, ജോസ് ബട്ലർ,ബെൻ ഡക്കറ്റ്, ഹാരി ബ്രൂക്ക്, ലിയാം ലിവിംഗ്സ്റ്റൺ, ജേക്കബ് ബെഥേൽ , ജാമി ഓവർട്ടൺ, ഗസ് അറ്റ്കിൻസൺ , ജോഫ്ര ആർച്ചർ , ആദിൽ റഷീദ് , മാർക്ക് വുഡ്

ഇന്ത്യ പ്ലേയിംഗ് ഇലവൻ: സഞ്ജു സാംസൺ,അഭിഷേക് ശർമ്മ, സൂര്യകുമാർ യാദവ് , തിലക് വർമ്മ, ഹാർദിക് പാണ്ഡ്യ, റിങ്കു സിംഗ്, നിതീഷ് കുമാർ റെഡ്ഡി, അക്സർ പട്ടേൽ,രവി ബിഷ്ണോയ്, അർഷ്ദീപ് സിംഗ്,വരുൺ ചക്രവർത്തി