തിരുവനന്തപുരം: സംസ്ഥാനത്തെ എല്ലാ ബസുകളിലും മാർച്ച് 31-നകം കാമറ സ്ഥാപിക്കണമെന്ന് ഉത്തരവിട്ട് സ്റ്റേറ്റ് ട്രാൻസ്പോർട്ട് അതോറിറ്റി. ബസിന്റെ മുൻഭാഗം, പിൻഭാഗം, ഉൾവശം കാണുന്ന രീതി എന്നിങ്ങനെ മൂന്നിടത്താണ് കാമറ സ്ഥാപിക്കേണ്ടത്. ഡ്രൈവർ ഉറങ്ങി പോകുന്നത് പരിശോധിക്കാനുള്ള അലാം കാമറയും ഘടിപ്പിക്കണം.
കെഎസ്ആർടിസി, സ്വകാര്യ ബസുകൾ, സ്കൂൾ ബസുകൾ എന്നിവയ്‌ക്ക് ഈ ഉത്തരവ് ബാധകമാണ്. ഓട്ടോറിക്ഷകളുടെ കാര്യമെടുത്താൽ മീറ്റർ ഇടാതെയാണ് ഓടുന്നതെങ്കിൽ യാത്രയ്‌ക്ക് പണം നൽകേണ്ട എന്ന് കാണിക്കുന്ന സ്റ്റിക്കർ പതിപ്പിക്കണമെന്നും ഉത്തരവിലുണ്ട്.
