മധുര: തിരുപ്പറംകുണ്ഡ്രം കുന്ന് സംരക്ഷിക്കണമെന്ന് ആവശ്യപ്പെട്ട് ഇന്ന് പ്രതിഷേധ പ്രകടനം നടത്തുമെന്ന് ഹിന്ദു മുന്നണി അറിയിച്ചതിനെ തുടർന്ന് തിരുപ്പറംകുണ്ഡ്രത്ത് വൻ പോലീസ് സന്നാഹം. പ്രദേശത്ത് മുൻകരുതൽ നടപടിയായി കളക്ടർ നിരോധനാജ്ഞ പുറപ്പെടുവിച്ചു. നിരോധനം ലംഘിച്ച് പ്രദേശത്തേക്ക് പ്രവേശിക്കുന്ന വാഹനങ്ങൾ കണ്ടുകെട്ടുകയും വ്യക്തികളെ അറസ്റ്റ് ചെയ്യുകയും ചെയ്യുമെന്ന് പോലീസ് മുന്നറിയിപ്പ് നൽകി. 300-ലധികം പോലീസ് ഉദ്യോഗസ്ഥർ മലയ്‌ക്കു ചുറ്റും സുരക്ഷാ ഡ്യൂട്ടിയിലുണ്ട്. അഞ്ച് എസ്പിമാരെയും മൂന്ന് എഡിഎസ്പിമാരെയും 13 ഡിഎസ്പിമാരെയും പുറം ജില്ലകളിൽ നിന്ന് ഇവിടേയ്‌ക്ക് വിളിപ്പിച്ചിട്ടുണ്ട്. കമ്മീഷണർ ലോഗനാഥന്റെ നേതൃത്വത്തിൽ 3,000 പോലീസുകാർ അവിടെയുണ്ട്.
പ്രതിഷേധപ്രകടനത്തിനായി തിരുപ്പറംകുണ്ഡ്രത്തേക്ക് പുറപ്പെട്ട വിവിധ ജില്ലകളിൽ നിന്നുള്ള ഹിന്ദു മുന്നണി അംഗങ്ങളെ തമിഴ്‌നാട് പോലീസ് അറസ്റ്റ് ചെയ്യുന്നതായി തമിഴ് മാധ്യമങ്ങൾ റിപ്പോർട്ട് ചെയ്യുന്നു. തിരുപ്പൂരിൽ നിന്ന് പോയ തിരുപ്പറംകുണ്ഡ്രത്തേക്ക് ഹിന്ദു മുന്നണി നേതാവ് കാടേശ്വര സുബ്രഹ്മണ്യനെ അറസ്റ്റ് ചെയ്തു. നിരവധി മുരുക ഭക്തർ വാഹനങ്ങളിൽ മധുര ജില്ലാ അതിർത്തി വരെ സഞ്ചരിച്ച് തിരുപ്പറംകുണ്ഡ്രത്തേക്ക് തീർത്ഥാടനം നടത്താൻ പദ്ധതിയിടുന്നു.
തിരുപ്പറംകുണ്ഡ്രം കുന്നിൽ ഒരു കാശി വിശ്വനാഥ ക്ഷേത്രവും ഒരു മുസ്ലീം ദർഗയും ഉണ്ട്. ദർഗയിൽ ബലി നടത്തുന്നത് പോലീസ് നിരോധിച്ചിരുന്നു. ചില മുസ്ലീം സംഘടനകൾ ഇതിനെതിരെ പ്രതിഷേധിച്ചു. തിരുപ്പറംകുണ്ഡ്രം മലയുടെ പവിത്രത സംരക്ഷിക്കണമെന്ന് ആവശ്യപ്പെട്ട് ഹിന്ദു സംഘടനകളും ദിവസങ്ങളായി പ്രതിഷേധത്തിലാണ്.
