ഷൂട്ടിംഗിനിടെ ബോളിവുഡ് നടൻ സൂരജ് പഞ്ചോളിക്ക് ഗുരുതര പൊള്ളലേറ്റു. കേസരി വീർ ലെജൻ്റ് ഓഫ് സോംനാഥ് എന്ന
പിരീഡ് ഡ്രാമ ചിത്രത്തിന്റെ ഷൂട്ടിംഗിനിടെയാണ് അപകടമുണ്ടായത്. ആക്ഷൻ രംഗം ചിത്രീകരിക്കുന്നതിനിടെയാണ് നടന്റെ ദേഹത്ത് അഗ്നി പടർന്നത്. മുംബൈയിലെ ഒരു ഫിലിം സിറ്റിയിൽ നടന്ന ഷൂട്ടിംഗിനിടെയായിരുന്നു അപകടം.
തുടകളിലാണ് അരയ്‌ക്ക് താഴെയും കൈതണ്ടയിലുമാണ് പൊള്ളലേറ്റത്. കരിമരുന്ന് ഉപയോഗിച്ചുള്ള സ്ഫോടനത്തിനിടെയാണ് പൊള്ളലേറ്റത്. നിർണായക രംഗത്തിൽ സ്ഫോടനത്തിന് മുകളിലൂടെ പ‍‌ഞ്ചോളി ചാടുന്നതിനിടെയാണ് പൊള്ളലേറ്റത്. നേരത്തെ തീരുമാനിച്ചതിലും നേരത്തെ സ്ഫോടനം നടക്കുകയായിരുന്നു. ഇതാണ് താരത്തിന് പരിക്കേൽക്കാൻ കാരണം. കൂടുതൽ കരിമരുന്ന് ഉപയോഗിച്ചതിനാൽ തീപിടിത്തം രൂക്ഷമാവുകയായിരുന്നു.
നടന്റെ ആരോഗ്യനില നിരീക്ഷിക്കുന്നതിനായി ഒരു മെഡിക്കൽ സംഘം സെറ്റിൽ ഉണ്ടായിരുന്നുവെന്നും ഇൻസൈഡർ വെളിപ്പെടുത്തി. കരിമരുന്ന് സ്ഫോടനത്തിന്റെ കഠിനമായ വേദന ഉണ്ടായിരുന്നിട്ടും, സൂരജ് ഇടവേള എടുക്കാൻ വിസമ്മതിക്കുകയും ഷൂട്ടിംഗ് തുടരുകയും ചെയ്തുവെന്നും അദ്ദേഹം പറഞ്ഞു.
