പട്ടാപ്പകൽ യുവതിയെ പൊട്രോൾ ഒഴിച്ച് തീകൊളുത്താൻ യുവാവിന്റെ ശ്രമം. പർദ്ദ ധരിച്ച യുവതിമാരിൽ ഒരാളെയാണ് യുവാവ് പെട്രോൾ ദേഹത്തൊഴിച്ച് കൊലപ്പെടുത്താൻ ശ്രമിച്ചത്. ഇതിന്റെ നടുക്കുന്ന ദൃശ്യങ്ങൾ പ്രദേശത്തെ സിസിടിവിയിൽ പതിഞ്ഞത് പുറത്തുവന്നു. തെലങ്കാനയിലെ ഹുസൂർനഗർ ഏരിയയിൽ പട്ടാപ്പകലായിരുന്നു സംഭവം.
പർദ്ദ ധരിച്ച രണ്ടു യുവതികളും ഒരു യുവാവുമാണ് പ്രദേശത്തുണ്ടായിരുന്നത്. റോഡ് വക്കത്തായിരുന്നു ഇവർ നിന്നിരുന്നത്. അല്പ നേരം നീണ്ട വാഗ്വാദത്തിന് ഒടുവിൽ കുപ്പിയുടെ മൂടി തുറന്ന യുവാവ് ആദ്യം സ്വന്തം ശരീരത്തിലേക്കും പിന്നീട് യുവതിയുടെ നേരെയും പെട്രോൾ ഒഴിക്കുകയായിരുന്നു. വീണ്ടും തർക്കം രൂക്ഷമായി. ഇതോടെ ഒപ്പമുണ്ടായിരുന്ന മറ്റൊരു യുവതി ദൂരേയ്‌ക്ക് മാറി.
ഇതോടെ അവിടെയുണ്ടായിരുന്ന ആളുകൾ പ്രശ്നത്തിൽ ഇടപെട്ടു. യുവാവിനെ കൈകാര്യം ചെയ്യുകയും ചെയ്തു. എന്നിട്ടും ഇയാൾ പോകാൻ കൂട്ടാക്കാതെ നിൽക്കുന്നതും രണ്ടു മിനിട്ട് ദൈർഘ്യമുള്ള വീഡിയോയിൽ കാണാം. അമ്മാവനാെപ്പം താമസിക്കുന്ന 23-കാരിക്ക് നേരെയായിരുന്നു അതിക്രമം. യുവതിയുടെ പരാതിയിൽ പ്രതിയെ തിരിച്ചറിഞ്ഞിട്ടുണ്ട്.
Shocking, a man poured petrol on a woman at the road side and reportedly threatened to sets self, woman on fire, as she had rejected his advances, at NGOs Colony in #Huzurnagar of #Suryapet district on Monday, February 10, caught on #CCTV
The CCTV… pic.twitter.com/WIOmuBzPE9
— Surya Reddy (@jsuryareddy) February 11, 2025
