അടുത്തയാഴ്ചയാണ് ചാമ്പ്യൻസ് ട്രോഫിക്ക് തുടക്കമാകുന്നത്. ഉദ്ഘാടന മത്സരത്തിൽ പാകിസ്താനും ന്യൂസിലൻഡുമാണ് ഏറ്റുമുട്ടുന്നത്. ഫെബ്രുവരി 23-ന് ദുബായിലാണ് ബദ്ധവൈരികളായ പാകിസ്താനും ഇന്ത്യയും നേർക്കുനേർ വരുന്നത്. ഹൈബ്രിഡ് മോഡലിലാണ് ചാമ്പ്യൻസ് ട്രോഫി നടക്കുന്നത്. പാകിസ്താനിൽ നിന്ന് ടൂർണമെന്റ് പകുതി മാറ്റാൻ കാരണം ഇന്ത്യയാണെന്ന് ആരോപിച്ച് പാകിസ്താൻ ആരാധകർ ശുണ്ടിയിലാണ്.
വർഷങ്ങൾക്ക് ശേഷം ഇന്ത്യ-പാക് മത്സരം സ്വന്തം നാട്ടിൽ കാണാനാവാത്തതിന്റെ വിഷമമാണ് അവരെ ചൊടിപ്പിച്ചതെന്ന് പാകിസ്താൻ മാദ്ധ്യമപ്രവർത്തകൻ ഫരിദ് ഖാൻ പറയുന്നു. ഇക്കാര്യം വ്യക്തമാക്കുന്ന ഒരു വീഡിയോയും അദ്ദേഹം പുറത്തുവിട്ടു. ഇതിൽ മൊഹമ്മദ് റിസ്വാനും സംഘത്തിനും ഉപദേശവും നിർദേശവും നൽകുന്ന ആരാധകരെയാണ് കാണാനാകുന്നത്.
ഇന്ത്യൻ ക്രിക്കറ്റർമാരുമായി ചങ്ങാത്തം കൂടരുതെന്നും വിരാട് കോലിയെയോ മറ്റ് ഇന്ത്യക്കാരെയോ കെട്ടിപ്പിടിക്കരുതെന്നുമാണ് അവർ പാകിസ്താൻ താരങ്ങൾക്ക് നൽകുന്ന നിർദേശം. ചാമ്പ്യൻസ് ട്രോഫിയിൽ 3-2 എന്ന നിലയിൽ പാകിസ്താനാണ് അല്പം മുൻതൂക്കമുള്ളത്. 2017-ൽ സർഫറാസ് അഹമ്മദ് നയിച്ച പാകിസ്താൻ കോലി നയിച്ച ഇന്ത്യയെ തോൽപ്പിച്ച കിരീടം ഉയർത്തിയിരുന്നു.
Pakistan fans really angry with Indian cricket team 🇵🇰🇮🇳🤬
They want Pakistan players to not hug Indian players during Champions Trophy 😱
— Farid Khan (@_FaridKhan) February 15, 2025
