മഹാകുംഭമേളയിൽ പങ്കെടുത്ത് സീരിയൽ നടിയും സോഷ്യൽമീഡിയ ഇൻഫ്ലുവൻസറുമായ ശ്രീക്കുട്ടി ത്രിവേണീ സംഗമത്തിൽ സ്നാനം ചെയ്യുന്നതിന്റെ ചിത്രങ്ങൾ താരം ഇൻസ്റ്റഗ്രാമിൽ പങ്കുവച്ചിട്ടുണ്ട്. ഭർത്താവ് മനോജ് കുമാറിനൊപ്പമാണ് ശ്രീക്കുട്ടി പ്രയാഗ് രാജിലെത്തിയത്.
ത്രിവേണീ സംഗമത്തിൽ സ്നാനം ചെയ്യാൻ കഴിഞ്ഞത് തന്റെ പൂർവജന്മ സുകൃതം എന്നാണ് ചിത്രങ്ങൾ പങ്കുവച്ചുകൊണ്ട് ശ്രീക്കുട്ടി കുറിച്ചത്. യാത്ര തുടങ്ങിയത് മുതലുള്ള വിശേഷങ്ങൾ യൂട്യൂബ് ചാനലിലൂടെ താരം പങ്കുവച്ചിരുന്നു. ഓരോ സ്ഥലങ്ങളിലേക്ക് പോകുന്നതും അവിടുത്തെ ഭക്ഷണത്തെ കുറിച്ചും ശ്രീക്കുട്ടി വ്ലോഗിൽ പറയുന്നുണ്ട്.
മണിക്കൂറുകളോളം ബ്ലോക്കിൽപെട്ട് കിടന്നശേഷമാണ് കാർ മുന്നോട്ട് നീങ്ങുന്നതെന്നും തിരക്ക് കാരണം തങ്ങാൻ മുറി പോലും കിട്ടിയില്ലെന്നും താരം വീഡിയോയിൽ പറയുന്നു. പോകുന്ന വഴിയിലെ കാഴ്ചകളും മറ്റ് തീർത്ഥാടകരുമായി സംസാരിക്കുന്നതുമൊക്കെ ശ്രീക്കുട്ടി വീഡിയോയിൽ ഉൾപ്പെടുത്തിയിരുന്നു.
