മലപ്പുറം വണ്ടൂരിൽ ഭർത്താവിനൊപ്പം ബൈക്കിൽ സഞ്ചരിച്ച യുവതി ബസ് തട്ടി മരിച്ചു. വാണിയമ്പലം മങ്ങംപാടം പൂക്കോടൻ സിമി വർഷ എന്ന 22-കാരിയാണ് മരിച്ചത്. ഭർത്താവ് വിജേഷ് (28) മഞ്ചേരി മെഡിക്കൽ കോളേജ് ആശുപത്രിയിൽ ചികിത്സയിലാണ്. ഇയാളുടെ പരിക്ക് ഗുരുതരമാണോ എന്ന കാര്യം വ്യക്തമല്ല.
ഇന്ന് ഉച്ചയ്‌ക്ക് തിരുവാലി പൂന്തോട്ടത്തിൽ വച്ചായിരുന്നു അപകം. ബൈക്ക് എതിരെ ബസിന്റെ വശത്ത് തട്ടിയാണ് അപകടമുണ്ടായത്. തെറിച്ചുവീണ സിമിയുടെ ശരീരത്തിലൂടെ ബസിന്റെ പിൻ ടയർ കയറിയിറങ്ങുകയായിരുന്നു. തത്ക്ഷണം ഇവർ മരിച്ചു.
മറ്റൊരു വാഹനത്തിനെ മറികടക്കവേ എതിര്‍ദേശില്‍ വന്ന ബസിന്റെ സൈഡില്‍ തട്ടി പിന്നിലെ ടയറിന് അടിയിലേക്ക് വീഴുകയായിരുന്നുവെന്ന് ദൃക്സാക്ഷികൾ പറഞ്ഞു. യുവതിയുടെ മൃതദേഹം മഞ്ചേരി മെഡിക്കൽ കോളേജ് മോർച്ചറിയിലാണ്. ബുള്ളറ്റിൽ മൊബൈൽ ഫോൺ വാങ്ങാൻ പോകുന്നതിനിടെയായിരുന്നു അപകടം.
