തിരുവനന്തപുരം: ടേക്ക് ഓഫിനിടെ വിമാനത്തിൽ പക്ഷി വന്നിടിച്ചതിനെ തുടർന്ന് വിമാനം തിരിച്ചിറക്കി. ബെംഗളൂരുവിലേക്ക് പുറപ്പെട്ട ഇൻഡിഗോ വിമാനമാണ് തിരിച്ചിറക്കിയത്. സർവീസ് റദ്ദാക്കിയതായി വിമാനത്താവള അധികൃതർ അറിയിച്ചു. ടേക്ക് ഓഫീന് തൊട്ടുമുമ്പാണ് വിമാനത്തിൽ പക്ഷിയിടിച്ചത്.
രാവിലെ 7.30-ന് തിരുവനന്തപുരത്ത് നിന്ന് ബെംഗളൂരുവിലേക്ക് പുറപ്പെടേണ്ടിയിരുന്ന വിമാനമാണ് റദ്ദാക്കിയത്. ഈ വിമാനം വൈകുന്നേരം പുറപ്പെടുമെന്ന് അധികൃതർ അറിയിച്ചിട്ടുണ്ട്. വിമാനത്തിന് സാങ്കേതിക തകരാറ് സംഭവിച്ചിട്ടില്ലെന്നാണ് വിവരം. യാത്രക്കാരെ സുരക്ഷിത സ്ഥലത്തേക്ക് മാറ്റി.
