ബോളിവുഡ് നടൻ സോനു സൂദിന്റെ ഭാര്യ സൊനാലി സൂദിന് കാറപകടത്തിൽ ഗുരുതര പരിക്ക്. മുംബൈ-നാഗ്പൂർ ദേശീയ പാതയിൽ ഇന്നലെ അർദ്ധരാത്രിയായിരുന്നു അപകടമുണ്ടായത്. സൊനാലി സഹോദരിക്കും അവരുടെ മകനുമൊപ്പം യാത്ര ചെയ്യുന്നതിനിടെയാണ് അപകടമുണ്ടായത്. സൊനാലിയാണ് കാർ ഓടിച്ചിരുന്നത്. നടൻ ഭാര്യക്കൊപ്പം ആശുപത്രിയിൽ തുടരുകയാണ്. സൊനാലിക്കും മരുമകനുമാണ് ഗുരുതരമായി പരിക്കേറ്റത്.
നാഗ്പൂരിലെ മാക്സ് ആശുപത്രിയിലാണ് ഇവരെ പ്രവേശിപ്പിച്ചതെന്ന് ഹിന്ദുസ്ഥാൻ ടൈംസ് റിപ്പോർട്ട് ചെയ്യുന്നു. സോനുവിന്റെ ടീം അപകടവിവരം സ്ഥിരീകരച്ചിട്ടുണ്ട്. നടൻ ഭാര്യക്കൊപ്പം ആശുപത്രിയിൽ തുടരുകയാണെന്നും അവർ വ്യക്തമാക്കി. അതേസമയം സൊനാലിയുടെ സഹോദരിക്ക് സാരമായ പരിക്കുകളില്ല.
