ചെന്നൈ: ഗോകുലം ഗോപാലന്റെ ചിട്ടി സ്ഥാപനത്തിൽ ഇഡി റെയ്ഡ് നടക്കുന്നതായി റിപ്പോർട്ട്. ചെന്നൈ കോടമ്പാക്കത്തെ ചിട്ടി സ്ഥാപനത്തിൽ പരിശോധന നടക്കുന്നുണ്ടെന്നാണ് വിവരം. ഇഡിയുടെ കൊച്ചി യൂണിറ്റിലെ ഉദ്യോഗസ്ഥരും സംഘത്തിലുണ്ടെന്നാണ് റിപ്പോർട്ട്. ഇക്കാര്യം ഗോകുലം ഗോപാലനോ ഇഡി വൃത്തങ്ങളോ ഔദ്യോഗികമായി സ്ഥിരീകരിച്ചിട്ടില്ല.
പ്രമുഖ വ്യവസായിയും സിനിമാ നിർമാതാവും വിതരണക്കാരനുമാണ് ഗോകുലം ഗോപാലാൻ. അദ്ദേഹത്തിന്റെ കോഴിക്കോടുള്ള സ്ഥാപനത്തിലും ഇഡി റെയ്ഡ് നടക്കുന്നുണ്ടെന്നാണ് വിവരം. സംഭവത്തിൽ ഗോകുലം ഗോപാലനെ ഇഡി ചോദ്യം ചെയ്യുകയാണ്. ഫെമ നിയമം ലംഘിച്ച് ഇടപാടുകൾ നടത്തിയെന്ന ആരോപണത്തിന്റെ പശ്ചാത്തലത്തിലാണ് ഇഡി റെയ്ഡ് നടക്കുന്നതെന്നാണ് വിവരം.
ചിട്ടിയുമായി ബന്ധപ്പെട്ട് വ്യാജ സീലും വ്യാജ ഒപ്പുമടക്കം വ്യാജരേഖ നിർമിച്ചെന്ന ആരോപണത്തിന്റെ പശ്ചാത്തലത്തിൽ നേരത്തെ ഗോകുലം ഗോപാലനെതിരെ പൊലീസ് കേസെടുത്തിരുന്നു.
