ന്യൂഡൽഹി: ഗുവാഹത്തിയിലെ കാമാഖ്യ ക്ഷേത്ര ദർശനം നടത്തി ബോളിവുഡ് നടി സാറാ അലിഖാൻ. ക്ഷേത്രത്തിൽ പ്രാർത്ഥനകൾ നടത്തിയ താരം ഏറെനേരം അവിടെ ചിലവഴിച്ചു. തീർത്ഥാടനത്തിലെ ശാന്തമായ കാഴ്ചകൾ സാറ ഇൻസ്റ്റഗ്രാമിൽ പങ്കുവയ്ക്കുകയും ചെയ്തു.
വെള്ള നിറത്തിലുള്ള ലളിതമായ ചിക്കൻകാരി സൽവാർ കുർത്ത ധരിച്ചാണ് സാറായെത്തിയത്. ഇൻസ്റ്റഗ്രാമിൽ പങ്കുവച്ച ചിത്രങ്ങളോടൊപ്പം അവർ ഒരു ഹൃദയസ്പർശിയായ കവിതയും കുറിച്ചു.
“നിരന്തരമായ ഒഴുക്കിനിടയിലെ നിശ്ചലതയുടെ നിമിഷങ്ങൾ. ശ്വസിക്കാനും പതുക്കെ പോകാനും ഒരു ഉദ്ദേശ്യപൂർണമായ ഓർമ്മപ്പെടുത്തൽ. നദിയുടെ മന്ത്രിപ്പുകൾ ശ്രദ്ധിക്കുക, സൂര്യന്റെ തിളക്കം അനുഭവിക്കുക. ആഴത്തിൽ അലയുക, ജീവിതം സ്വീകരിക്കുക, സ്വയം വളരാൻ അനുവദിക്കുക,” സാറ കുറിച്ചു.
View this post on Instagram
പ്രൊഫഷണൽ രംഗത്ത്, സന്ദീപ് കെൽവാനി, അഭിഷേക് കപൂർ എന്നിവർ സംവിധാനം ചെയ്ത സ്കൈ ഫോഴ്സ് എന്ന ചിത്രത്തിലാണ് സാറ അവസാനമായി അഭിനയിച്ചത്. അക്ഷയ് കുമാറും പുതുമുഖമായ വീർ പഹരിയയുമാണ് പ്രധാന വേഷത്തിൽ എത്തുന്നത്. ആദിത്യ റോയ് കപൂറിനൊപ്പം അഭിനയിക്കാൻ ഒരുങ്ങുന്ന മെട്രോ ഇൻ ഡിനോ എന്ന ചിത്രമാണ് സാറയുടെ വരാനിരിക്കുന്ന പ്രോജക്ട്.
