എറണാകുളം: എംബിബിഎസ് വിദ്യാർഥിനിയെ കോളജ് ഹോസ്റ്റലിൽ തൂങ്ങി മരിച്ച നിലയിൽ കണ്ടെത്തി. കളമശേരി ഗവ. മെഡിക്കൽ കോളജിലെ മൂന്നാം വർഷ വിദ്യാർഥിനി അമ്പിളിയാണ് ജീവനൊടുക്കിയത്. 21 വയസായിരുന്നു. കാസർഗോഡ് ഹോസ്ദുർഗ് സ്വദേശിനായാണ് അമ്പിളി. കഴിഞ്ഞ ദിവസം രാത്രി 11.45 ആയിരുന്നു സംഭവം. സഹപാഠികളാണ് യുവതി മുറിയിലെ ഫാനിൽ തൂങ്ങിയ കാര്യം പൊലീസിനെ അറിയിക്കുന്നത്. മൂന്നാം നിലയിലെ മുറിയിലാണ് സംഭവമുണ്ടായത്.
വിദ്യാർഥിനി മെഡിക്കൽ കോളജിൽ മാനസികാസ്വാസ്ഥ്യത്തിന് ചികിത്സയിൽ കഴിഞ്ഞിരുന്നതായി അധികൃതർപറഞ്ഞു. ഇതിന് മുൻപ് രണ്ടുതവണ ഇവർ ജീവനൊടുക്കാൻ ശ്രമിച്ചിരുന്നു. ഒരു തവണ വീട്ടിലേക്കുള്ള ട്രെയിൻ യാത്രയ്‌ക്കിടെയും മറ്റൊരിക്കൽ വീട്ടിലുമായിരുന്നു ഇവരുടെ ആത്മഹത്യാ ശ്രമങ്ങൾ. മൂന്നുവർഷമായി മെഡിക്കൽ കോളേജിലെ സൈക്യാട്രിക് വിഭാഗത്തിൽ ചികിത്സയിലായിരുന്നു അമ്പിളി. യുവതിയെ ഡോക്ടറെ കാണിച്ച ശേഷം പിതാവ് ഹോസ്റ്റലിലാക്കി മടങ്ങിയിരുന്നു. ഇതിന് പിന്നാലെയാണ് കടുംകൈ ചെയ്തത്. മൃതദേഹം പോസ്റ്റുമോർട്ടത്തിന് ശേഷം ബന്ധുക്കൾക്ക് വിട്ടു നൽകി.
