ബെംഗളൂരു: ഉത്തരക്കടലാസുകളിൽ പരീക്ഷ പാസാക്കാൻ സഹായിക്കണമെന്ന അഭ്യർത്ഥനയും കറൻസി നോട്ടുകളും. കർണാടകയിലെ ബെലഗാവി ജില്ലയിലെ ചിക്കോടിയിലാണ് സംഭവം. പത്താം ക്ലാസ് പരീക്ഷകളുടെ ഉത്തരക്കടലാസുകളിലാണ് ഇൻവിജിലേറ്റർമാരായ അദ്ധ്യാപകർ അഭ്യർത്ഥനകൾ കണ്ടെത്തിയത്.
ചിലർ അഭ്യർത്ഥനകൾക്കൊപ്പം അഞ്ഞൂറ് രൂപയുടെ കറൻസി നോട്ടും ഉത്തരക്കാസലാസിൽ വച്ചിരുന്നതായി അദ്ധ്യാപകർ വെളിപ്പെടുത്തി. ചിലർ വളരെ വലിയ പ്രതിസന്ധിയിലാണ്. പരീക്ഷ പാസാകുന്നതിനെ ആശ്രയിച്ചിരിക്കും അവരുടെ പ്രണയം എന്ന് അദ്ധ്യാപകരെ ബോധ്യപ്പെടുതുകയും ചെയ്തു. വിദ്യാർത്ഥികളുടെ അപേക്ഷകൾ ഇതിനോടകം ഇന്റെനെറ്റിൽ വൈറലായി മാറിക്കഴിഞ്ഞു. ചില രസകരമായ അഭ്യർത്ഥനകൾ ഇങ്ങനെയാണ്:
“ദയവായി എന്നെ ജയിപ്പിച്ചു വിടൂ, എന്റെ പ്രണയം നിങ്ങളുടെ കൈകളിലാണ്,” ഉത്തരക്കടലാസുകൾക്കിടയിൽ 500 രൂപ വച്ചുകൊണ്ട് ഒരു വിദ്യാർത്ഥി പറഞ്ഞു.
“ഞാൻ വിജയിച്ചാൽ മാത്രമേ എന്റെ പ്രണയം തുടരൂ,” മറ്റൊരു വിദ്യാർത്ഥി എഴുതി.
“സർ, ഈ 500 രൂപ കൊണ്ട് ചായ കുടിക്കൂ, ദയവായി എന്നെ പാസാക്കൂ,”മറ്റൊരാൾ എഴുതി.
പരീക്ഷ ജയിക്കാൻ അദ്ധ്യാപകൻ സഹായിച്ചാൽ ചിലർ കൂടുതൽ പണം വാഗ്ദാനം ചെയ്തു. ഈ പ്രധാനപ്പെട്ട പരീക്ഷ പാസാകുന്നതിനെ ആശ്രയിച്ചിരിക്കും അവരുടെ ഭാവിഎന്നായി മറ്റു ചിലർ.
“എന്നെ പാസ്സാക്കിയില്ലെങ്കിൽ എന്റെ അച്ഛനും അമ്മയും എന്നെ കോളേജിൽ അയക്കില്ല,” മറ്റൊരാൾ പറഞ്ഞു
