പറ്റിക്കാതെ തരാനുള്ള ശമ്പളമെങ്കിലും നൽകൂ..! പിസിബിക്കെതിരെ തുറന്നടിച്ച് മുൻ പാക് പരിശീലകൻ ​ഗില്ലസ്പി

പാകിസ്താൻ ക്രിക്കറ്റ് ബോർഡിനെതിരെ തുറന്നടിച്ച് മുൻ പാക് ടീം മുഖ്യപരിശീലകൻ ജേസൺ ​ഗില്ലസ്പി. പരിശീലക സ്ഥാനം രാജിവച്ച് നാലുമാസം കഴിഞ്ഞിട്ടും തരാനുള്ള ശമ്പളം ഇതുവരെയും നൽകിയിട്ടില്ലെന്ന് ഓസ്ട്രേലിയൻ മുൻ പേസർ വ്യക്തമാക്കി. പിസിബി അത് നൽകുമെന്നാണ് പ്രതീക്ഷയെന്നും അദ്ദേഹം വ്യക്തമാക്കി.

പുതിയൊരു അഭിമുഖത്തിലാണ് അദ്ദേഹത്തിന്റെ ഞെട്ടിപ്പിക്കുന്ന വെളിപ്പെടുത്തൽ. ഇതോടെ പിസിബിക്കും നാണക്കേടായി. ദക്ഷിണാഫ്രിക്കൻ പരമ്പരയ്‌ക്ക് മുന്നേയാണ് ​ഗില്ലസ്പി പരിശീലക സ്ഥാനം രാജിവയ്‌ക്കുന്നത്. ടീം തെരഞ്ഞെടുപ്പിലും സപ്പോർട്ട് സ്റ്റാഫുകളെ നീക്കിയതിലും ഉൾപ്പടെയുള്ള നിർണായക തീരുമാനങ്ങളിലും പിസിബി നടത്തുന്ന കൈകടത്തലുകളും തന്നെ റബ്ബർ സ്റ്റാമ്പാക്കിയതും ​ഗില്ലസ്പിയെ ചൊടിപ്പിച്ചിരുന്നു. രാജിവച്ചതിന് പിന്നാലെ പിസിബിക്കെതിരെ രൂക്ഷ വിമർശനം ഉയർത്തിയിരുന്നു.

ചെയ്ത ജോലിയുടെ ശമ്പളത്തിനായി ഞാൻ കാത്തിരിക്കുകയാണ്. സത്യം പറഞ്ഞാൽ ഇത് അല്പം നിരാശജനകമാണ്. എന്നാൽ അധികം വൈകാതെ അത് ലഭിക്കുമെന്ന് പ്രതീക്ഷുക്കുന്നു—-​ഗില്ലസ്പി പറഞ്ഞു.

Jason Gillespie left his role as Pakistan Head Coach over 4 months ago. He says he is still owed salary by the Pakistan Cricket Board. “I’m still waiting on some remuneration from work that has been done. Admittedly that’s been a little disappointing” #Cricket https://t.co/wPYtCYmJm5 pic.twitter.com/8WGf57HBvh

— Saj Sadiq (@SajSadiqCricket) April 20, 2025