കൗണ്ട്ഡൗൺ സ്റ്റാർട്ട്സ്! പടക്കപ്പലിൽ മിസൈൽ പരീക്ഷണം നടത്തി ഇന്ത്യ; ദൃശ്യം പങ്കുവച്ച് നാവികസേന

ഇന്ത്യ തദ്ദേശീയമായി നിർമിച്ച പടക്കപ്പൽ ഐഎൻഎസ് സൂറത്തിൽ നിന്ന് മിസൈൽ പരിശീലനം നടത്തി നാവിക സേന. പഹൽ​ഗാം ഭീകരാക്രമണ പശ്ചാത്തലത്തിൽ സൈന്യത്തോട് സജ്ജരാകാൻ കേന്ദ്രം നിർദ്ദേശം നൽകിയിരുന്നു. ഇതിന് പിന്നാലെയാണ് നവികസേനയുടെ പരീക്ഷണം. അറേബ്യൻ തീരത്തായിരുന്നു മിസൈൽ പരീക്ഷിച്ചത്.

കടലിന് മുകളിൽ 70 കിലോമീറ്റർ ഭൂപരിധിയിൽ ശത്രുവിന്റെ യുദ്ധവിമാനത്തെയോ മിസൈലിനെയോ നേരിടുന്ന സീ സ്കിമ്മിം​ഗ് പരീക്ഷണമാണ് നടത്തിയത്. മിസൈൽ സംവിധാനം ഇസ്രായേലിനൊപ്പം ചേർന്നാണ് വികസിപ്പിച്ചത്. മിസൈൽ പരീക്ഷിക്കുന്ന വീഡിയോ നാവികസേനയാണ് ഔദ്യോ​ഗികമായി പങ്കുവച്ചത്. അതേസമയം പഹൽ​ഗാം ആക്രമണത്തിൽ ഭീകരർക്ക് തക്കതായ മറുപടി നൽകുമെന്ന് പ്രധാനമന്ത്രി നരേന്ദ്ര മോദി വ്യക്തമാക്കി.