ഇടുക്കി: ഉമ്മത്തിൻ കായ കഴിച്ച 89 കാരിക്ക് ദാരുണാന്ത്യം. അടിമാലി കല്ലാർ അറുപതാംമൈൽ പൊട്ടയ്ക്കൽ പരേതനായ വർഗീസിന്റെ ഭാര്യ ഏലിക്കുട്ടി ആണ് മരിച്ചത്.
ഞായറാഴ്ച ഉച്ചയ്ക്ക് 2 മണിയോടെയായിരുന്നു സംഭവം. വീട്ടിൽവച്ച് അബദ്ധത്തിൽ ഉമ്മത്തിൻ കായ കഴിക്കുകയായിരുന്നുവെന്നു ബന്ധുക്കൾ പറഞ്ഞു. ശാരീരിക ബുദ്ധിമുട്ട് അനുഭവപ്പെട്ടതിനെ തുടർന്ന് താലൂക്കാശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
