ഇസ്ലാമാബാദ്: പാകിസ്താൻ സൂപ്പർ ലീഗ് (പിഎസ്എൽ) മത്സരത്തിനിടെ ബാബർ അസമിനെ പരിഹസിച്ച് ഇംഗ്ലണ്ട് താരം സാം ബില്ലിംഗ്സിന്റെ പോസ്റ്റ്. ഇരുവരുടെയും അർധസെഞ്ച്വറി പ്രകടനത്തെ താരതമ്യം ചെയ്തായിരുന്നു ബില്ലിംഗ്സ് എക്സിൽ പോസ്റ്റ് പങ്കുവച്ചത്. പിഎസ്എല്ലിൽ ലാഹോർ ഖലന്ദേഴ്സിനുവേണ്ടി കളിക്കുന്ന ബില്ലിംഗ്സ് ക്വെറ്റ ഗ്ലാഡിയേറ്റേഴ്സിനെതിരെ നടന്ന മത്സരത്തിൽ ടൂർണമെന്റിലെ ഏറ്റവും വേഗതയേറിയ അർദ്ധ സെഞ്ച്വറി നേടി.
വെറും 19 പന്തിലാണ് താരം ഈ നാഴികക്കല്ല് പിന്നിട്ടത്. അതേസമയം, പെഷവാർ സാൽമിയെ നയിച്ച ബാബർ അസം 47 പന്തിൽ നിന്ന് ഏറ്റവും വേഗത കുറഞ്ഞ അർദ്ധസെഞ്ച്വറിയും നേടി. ഇരുവരുടെയും ഇന്നിങ്സുകൾ താരതമ്യപ്പെടുത്തി ബില്ലിംഗ്സ് ഒരു ഇൻസ്റ്റാഗ്രാം സ്റ്റോറി പങ്കിട്ടു ഇതിൽ അവരുടെ സ്കോറിംഗ് റേറ്റിലെ വലിയ വ്യത്യാസം ഒറ്റനോട്ടത്തിൽ തന്നെ പ്രകടമായിരുന്നു.
Sam Billings’ Instagram story. pic.twitter.com/smGkyxGReo
— Mufaddal Vohra (@mufaddal_vohra) May 14, 2025
അടുത്തിടെ നടന്ന പല മത്സരങ്ങളിലും വേഗതകുറഞ്ഞ ഇന്നിംഗ്സുകൾക്ക് ബാബർ പഴികേട്ടിരുന്നു. എന്നാൽ ഇതുതന്നെ പിഎസ്എല്ലിലും ആവർത്തിച്ചത് ആരാധകരുടെയും അമ്പരപ്പിച്ചു. പ്രത്യേകിച്ച് വേഗത്തിലുള്ള സ്കോറിംഗ് നിർണായകമായ വേഗതയേറിയ ടി20 ഫോർമാറ്റിൽ. നേരത്തെ ഐപിഎല്ലിനെയും പിഎസ്എല്ലിനെയും താരതമ്യപ്പെടുത്തികൊണ്ടുള്ള പാക് മാധ്യമ പ്രവർത്തകന്റെ ചോദ്യത്തിന് സാം ബില്ലിംഗ്സ് നൽകിയ മറുപടിയും വൈറലായിരുന്നു. ഇപ്പോൾ താരത്തിന്റെ പോസ്റ്റും ചർച്ചയായി മാറിയിരിക്കുകയാണ്.
