ഇത് “സ്വിം” ഡേവിഡ്, ചിന്നസ്വാമിയിൽ ഓസ്ട്രേലിയൻ താരത്തിന് “വെള്ളം കളി” മൂഡ്

മഴയല്ലേ.. പരിശീലനമൊക്കെ പിന്നെ..! ഒരല്പം നീന്തലും തെന്നലുമൊക്കെയാകാം. ചിന്നസ്വാമി സ്റ്റേഡിയത്തിലാണ് ടിം ഡേവി സ്വിം ഡേവിഡായത്. മഴയെ തുടർന്ന് മൂടിയിട്ടിരുന്ന ​ഗ്രൗണ്ടിലായിരുന്നു ഓസ്ട്രേലിയൻ താരത്തിന്റെ വെള്ളം കളി. ​ഗ്രൗണ്ട് മൂടിയിരുന്ന ടാർപോളിനിൽ വെള്ളം നിറഞ്ഞിരുന്നു. ഇതിലാണ് താരം തെന്നി കളിച്ചത്.

നാളെ കാെൽക്കത്തയ്‌ക്ക് എതിരായ നിർണായക മത്സരത്തിന്റെ തയാറെടുപ്പിലായിരുന്നു ആർ.സി.ബി താരങ്ങൾ. എന്നാൽ പരിശീലനം മുടക്കി മഴയെത്തുകയായിരുന്നു. സഹതാരങ്ങൾ മഴ നനയാതെ ഡ്രസിം​ഗ് റൂമിലേക്ക് പോയെങ്കിലും ഡേവിഡിന് മഴ മൂഡായിരുന്നു. ഷോർട്ട്സ് മാത്രം അണിഞ്ഞെത്തിയാണ് താരം മഴയിൽ സ്കേറ്റിം​ഗ് നടത്തിയത്.

നനഞ്ഞ് കുളിച്ച് ഡ്രസിം​ഗ് റൂമിലേക്ക് പോയ ഡേവിഡിനെ കൈയടിച്ചാണ് സഹതാരങ്ങളും സപ്പോർട്ടിം​ഗ് സ്റ്റാഫും വരവേറ്റത്. ഇതിന്റെ വീഡിയോയാണ് പുറത്തുവന്നത്. ആർ.സി.ബിയാണ് വീഡിയോ ഔദ്യോ​ഗിക ഹാൻഡിലുകളിലൂടെ ദൃശ്യങ്ങൾ പുറത്തുവിട്ടത്. ആർസിബിയുടെ ഫിനിഷർ എന്ന നിലയിൽ മികച്ച പ്രകടനമാണ് ടീം ഡേവിഡ് നടത്തുന്നത്. 11 മത്സരങ്ങളിൽ നിന്ന് 186 റൺസ് നേടിയ താരത്തിന്റെ ശരാശരി 93 സ്ട്രൈക്ക് റേറ്റ് 194 മാണ്.

Tim David ❌
Swim David ✅

Bengaluru rain couldn’t dampen Timmy’s spirits… Super TD Sopper came out in all glory. 😂

This is Royal Challenge presents RCB Shorts. 🩳🤣#PlayBold #ನಮ್ಮRCB #IPL2025 pic.twitter.com/PrXpr8rsEa

— Royal Challengers Bengaluru (@RCBTweets) May 16, 2025