പത്തനംതിട്ട: പത്തനംതിട്ട കൂടൽ സർക്കാർ സ്കൂളിലെ പ്യൂണിനെ തൂങ്ങിമരിച്ച നിലയിൽ കണ്ടെത്തി. കോന്നി മുതുപേഴുങ്കൽ സ്വദേശി ബെജി (52) ആണ് മരിച്ചത്. ആളൊഴിഞ്ഞ പ്രദേശത്താണ് ആത്മഹത്യ ചെയ്ത നിലയിൽ മൃതദേഹം കണ്ടെത്തിയത്.
നേരത്തെ ബെജിക്കെതിരെ മുൻപ് ജോലി ചെയ്തിരുന്ന സ്കൂളിലെ പ്രഥമ അധ്യാപിക പോലീസിൽ പരാതി നൽകിയിരുന്നു. അപകീർത്തി പ്രചാരണം നടത്തിയെന്ന് ആരോപിച്ചാണ് പരാതി നൽകിയത്. ഇതുമായി ബന്ധപ്പെട്ട പൊലീസ് ഇയാളെ സ്റ്റേഷനിലേക്ക് വിളിപ്പിച്ചിരുന്നു. മടങ്ങിയെത്തിയ ബെജിയെ വ്യാഴാഴ്ച മുതൽ കാണാനില്ലെന്ന് ബന്ധുക്കൾ പരാതി നൽകിയിരുന്നു. ഇതിനുപിന്നാലെയാണ് വീടിന് അകലെയുള്ള ആളൊഴിഞ്ഞ പ്രദേശത്ത് ബിജുവിനെ തൂങ്ങിമരിച്ച നിലയിൽ കണ്ടെത്തിയത്.
