പ്രശസ്ത താരങ്ങളായ മനോജ് കെ.ജയൻ-ഉർവശി ദമ്പതികളുടെ മകൾ തേജാലക്ഷ്മിയും (കുഞ്ഞാറ്റ) അഭിനയരംഗത്തേക്ക്. ഇക്കാ പ്രൊഡക്ഷൻസിന്റെ ബാനറിൽ മുഹമ്മദ് സാലി നിർമ്മിച്ച് നവാഗതനായ ബിനു പീറ്റർ തിരക്കഥ രചിച്ച് സംവിധാനം ചെയ്യുന്ന സുന്ദരിയായവൾ സ്റ്റെല്ല എന്ന ചിത്രത്തിലൂടെയാണ് കുഞ്ഞാറ്റ നായികയായി അരങ്ങേറുന്നത്. സ്റ്റെല്ല എന്ന ടൈറ്റിൽ കഥാപാത്രത്തെയാണ് അവതരിപ്പിക്കുന്നത്.
മനോജ്.കെ. ജയന്റെയും ചിത്രത്തിന്റെ അണിയറ പ്രവർത്തകരുടേയും സാന്നിദ്ധ്യത്തിൽ
കൊച്ചി ക്രൗൺ പ്ളാസാ ഹോട്ടലിൽ നടന്ന വാർത്താ സമ്മേളനത്തിലൂടെയാണ് ഔദ്യോഗിക പ്രഖ്യാപനം ഉണ്ടായത്. മനോജ്.കെ ജയൻ, സംവിധായകൻ ബിനു പീറ്റർ, നിർമ്മാതാവ് മുഹമ്മദ് സാലി, ജയരാജ്, നടൻ സർജാനോ ഖാലിദ്, തിരക്കഥാകൃത്ത് സേതു, അലക്സ് ഈ കുര്യൻ എന്നിവരും ചടങ്ങിൽ പങ്കെടുത്തു.
മകൾ അഭിനയ രംഗത്തേക്ക് കടന്നു വരാനുള്ള താൽപ്പര്യം പ്രകടിപ്പിച്ചപ്പോൾ നിനക്ക് അതാണിഷ്ടമെങ്കിൽ അതു നടക്കട്ടെയെന്നായിരുന്നു തന്റെ അഭിപ്രായം. അമ്മയുടെ അനുഗ്രഹവും അനുവാദവും വാങ്ങണമെന്നും പറഞ്ഞിരുന്നുവെന്നും മനോജ്.കെ.ജയൻ പറഞ്ഞു.
അമ്മയോട് കഥ നേരത്തേ ചിത്രത്തിന്റെ സംഘാടകർ കഥ പറഞ്ഞിരുന്നു.
അമ്മ പൂർണ്ണ സമ്മതം തന്നതോടെയാണ് ഇതിലെ സ്റ്റെല്ലയെ അവതരിപ്പിക്കുവാൻ തീരുമാനിച്ചത്.അമ്മ സമ്മതിച്ചില്ലങ്കിൽ ഈ ചിത്രം ചെയ്യുമായിരുന്നില്ലായെന്ന് തേജാ ലക്ഷ്മിയും മനോജ്.കെ.ജയനും പറഞ്ഞു.
സർജാനോ ഖാലിദാണ് ചിത്രത്തിലെ നായകൻ.ലാലു അലക്സും,കനിഹയും പ്രധാന വേഷങ്ങളിലുണ്ട്.ഇവർക്കു പുറമേ നിരവധി താരങ്ങളും ഈ ചിത്രത്തിൽ അണിനിരക്കുന്നു.
ലൈൻ പ്രൊഡ്യൂസർ – അലക്സ്. ഈ . കുര്യൻ, കാക്കാസ്റ്റോറീസ്)എക്സിക്യൂട്ടീവ് പ്രൊഡ്യൂസർ – സേതു,സംഗീതം. ശ്രീനാഥ് ശിവ ശങ്കരൻ.ഛായാഗ്രഹണം – അനിരുദ്ധ് അനീഷ് .എഡിറ്റിംഗ് – സാഗർ ദാസ്.കലാസംവിധാനം – സജീഷ് താമരശ്ശേരി.
