ന്യൂഡൽഹി : ആര്എസ്എസ് മുന് അഖില ഭാരതീയ ബൗദ്ധിക് പ്രമുഖ് ആര്. ഹരി രചിച്ച മൂന്ന് കൃതികളുടെ വിവര്ത്തനങ്ങള് പ്രകാശനം ചെയ്തു. കേശവകുഞ്ജില് നടന്ന ചടങ്ങില് ആര്എസ്എസ് അഖിലഭാരതീയ കാര്യകാരി അംഗം സുരേഷ് സോണിയാണ് പുസ്തകങ്ങളുടെ പ്രകാശനം നിര്വ്വഹിച്ചത്.
ദല്ഹി സംസ്ഥാന ആഭ്യന്തര വകുപ്പ് മന്ത്രി ആശിഷ് സൂദ്, ജെഎന്യു വൈസ് ചാന്സലര് ശാന്തിശ്രീ ദുലിപുഡി പണ്ഡിറ്റ്, പ്രജ്ഞാപ്രവാഹ് പ്രതിഷ്ഠാന് ചെയര്മാന് ബി.കെ. കുഠ്യാല, എച്ച്എന്ബിസി സര്വകലാശാല വൈസ് ചാന്സലര് ശ്രീപ്രകാശ് സിങ്, കിത്താബ്വാലെ എംഡി പ്രശാന്ത് ജെയിന്, സഞ്ജയ് വര്മ്മ തുടങ്ങിയവര് സംസാരിച്ചു. വാല്മീകി രാമായണം ഒരു പഠനം, വ്യാസഭാരതത്തിലെ ദ്രൗപദി, മഹാഭാരതം പറയപ്പെടാത്ത നേരുകള് എന്നീ പുസ്തകങ്ങളാണ് വിര്ത്തനം ചെയ്തത്.
വ്യാസഭാരതത്തിലെ ദ്രൗപദി മലയാളത്തില് നിന്ന് ഇംഗ്ലീഷിലേക്ക് വിവര്ത്തനം ചെയ്തത് അംബിക ജെ.കെയാണ്. മഹാഭാരതം പറയപ്പെടാത്ത നേരുകള് എന്ന കൃതി ഡോ. മേഴ്സി ജില് ജില് ഇംഗ്ലീഷിലേക്കും ഡോ. വിരേന്ദ്രസിങ് ഹിന്ദിയിലേക്കും വിവര്ത്തനം ചെയ്തു. വാല്മീകി രാമായണം ഒരു പഠനം എന്ന കൃതി അജയകുമാറും ഹിന്ദിയിലേക്ക് വിവര്ത്തനം ചെയ്തു. പ്രജ്ഞാപ്രവാഹും കിത്താബ്വാലെയും സംയുക്തമായാണ് കൃതികള് പുറത്തിറക്കിയത്.
