ന്യൂഡൽഹി: 35 കാരൻ ജിമ്മിൽ വ്യായാമം ചെയ്യുന്നതിനിടെ കുഴഞ്ഞു വീണു മരിച്ചു. ഡൽഹിയിലെ ഫരീദാബാദിൽ താമസിക്കുന്ന പങ്കജ് ആണ് മരിച്ചത്. .
ചൊവ്വാഴ്ച രാവിലെ 10:20നാണ് സംഭവം. ബിസിനസുകാരനായ പങ്കജ് പതിവ് വ്യായാമത്തിനിടെ കുഴഞ്ഞു വീഴുകയായിരുന്നു. വ്യായാമം ആരംഭിച്ച് ഏതാനും നിമിഷങ്ങൾക്ക് ശേഷമായിരുന്നു അദ്ദേഹം ബോധരഹിതനായത്.
പങ്കജിന് അമിത വണ്ണമുണ്ടായിരുന്നു. അതിനാൽ ആശുപത്രിയിലേക്ക് കൊണ്ടുപോകാൻ ബുദ്ധിമുട്ട് നേരിട്ടു. ഒടുവിൽ സമീപത്തുള്ള സ്വകാര്യ ആശുപത്രിയിലെ ഡോക്ടർമാരെ ജിമ്മിൽ എത്തിക്കുകയായിരുന്നു.
ഹൃദയാഘാതമാണ് മരണകാരണമെന്നാണ് പൊലീസിന്റെ പ്രാഥമിക നിഗമനം. മൃതദേഹം പോസ്റ്റുമാർട്ടത്തിന് ശേഷം ബന്ധുക്കൾക്ക് കൈമാറി.
