തിരുവനന്തപുരം: സ്കൂളിൽ നിന്ന് ഉച്ചഭക്ഷണം കഴിച്ച 25 വിദ്യാർത്ഥികൾക്ക് ഭക്ഷ്യവിഷബാധ. നാവായിക്കുളം കിഴക്കനേല ഗവൺമെൻ്റ് എൽ.പി സ്കൂളിൽ കഴിഞ്ഞ ദിവസമാണ് സംഭവം. 25 ഓളം കുട്ടികൾക്കാണ് അസ്വസ്ഥത ഉണ്ടായത്. കുട്ടികൾ പാരിപ്പള്ളി മെഡിക്കൽ കോളജ് ആശുപത്രിയിൽ ചികിത്സ തേടി
ഉച്ചയൂണിന് ചിക്കൻ കറിയുണ്ടായിരുന്നു. ഇതിൽ നിന്ന് ഭക്ഷ്യ വിഷബാധയേറ്റതെന്നാണ് പ്രാഥമിക നിഗമനം. നാവായിക്കുളം വെട്ടിയറ സ്വദേശിയായ ചിരഞ്ജീവി(8), കിഴക്കനേല സ്വദേശി വജസ്സ് വിനോദ് (6) എന്നിവർ ഇപ്പോഴും ചികിത്സയിൽ തുടരുകയാണ്.
25 കുട്ടികൾക്ക് ആരോഗ്യ പ്രശ്നമുണ്ടായിട്ടും സ്കൂൾ അധികൃതർ തദ്ദേശ സ്ഥാപനത്തെയോ വിദ്യാഭ്യാസ വകുപ്പിനെയോ അറിയിച്ചില്ലെന്ന വിമർശനവും ഉയരുന്നുണ്ട്.
