തിരുവനന്തപുരം: മൃഗശാലയിൽ കടുവയുടെ ആക്രമണത്തിൽ ജീവനക്കാരന് പരിക്ക്. മൃഗശാലയിലെ സൂപ്പർവൈസറായ രാമചന്ദ്രനാണ് പരിക്കേറ്റത്. കടുവകളെ പാർപ്പിച്ചിരിക്കുന്ന കൂട് കഴുകുന്നതിനിടെയാണ് സംഭവം. കൂട് വൃത്തിയാക്കുന്നതിനിടെ കമ്പിക്കിടയിലൂടെ കൈ കടത്തി നഖം ഉപയോഗിച്ച് മാന്തി പരിക്കേൽപ്പിക്കുകയായിരുന്നു.
രാമചന്ദ്രന്റെ തലയ്‌ക്കും നെറ്റിക്കുമാണ് പരിക്കേറ്റത്. തലയിൽ നാല് സ്റ്റിച്ചുകളുണ്ട്. ആദ്യം ജനറൽ ആശുപത്രിയിലും പിന്നീട് മെഡിക്കൽ കോളേജ് ആശുപത്രിയിലും പ്രവേശിപ്പിച്ചിട്ടുണ്ട്.
